வழி தவறி வந்த பலூன்

by **அ.இராமநாதன்** Mon Oct 20, 2014 8:36 am

குழந்தை கையில் வைத்திருக்கும்
கலர்க்கலரான பலூன்களில் ஒன்றைக்
கேட்டுப் பார்க்கிறேன்.
குழந்தை இரண்டு பலூன்களைத்
தந்துவிட்டுச் செல்கிறது.
-
என் கால் விரலில்
குத்திவிட்ட முள்ளை எடுப்பதற்குப்
பெரும்பாடு படுகிறேன்.
ஊசி முனையால் கிளறிப் பார்த்தும்
ஒன்றும் முடியவில்லை.
பிறரின் கண்ணுக்குத் தெரியா வண்ணம்
முள்
சதைக்குள் போய் ஒளிந்திருக்கிறது.
-
கண்ணீர் குடித்து
கவலையைத் தின்று
தினமும் முள்
என்னோடு வளர்ந்து கொண்டிருக்கிறது
வழி தவறி வந்த பலூன்
முள் பட்டு பொட்டித் தெறிக்கிறது.
-
பல நூறு அம்புகள் குத்தித் துளைத்த
உடல்.
தன் மீது குத்திய
ஒவ்வொரு அம்பிற்கும்
உடல்தவறாமல்
ஒரு முத்தத்தைப் பரிசளிக்கிறது.
-
----------------------------------------
>ரசூல்
நன்றி-- சக்தி தீபாவளி மலர் - 2013

அருமை

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

வழி தவறி வந்த பலூன்

வழி தவறி வந்த பலூன்

Re: வழி தவறி வந்த பலூன்