வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

feeds

ஆசை - ஒரு பக்க கதை

தமிழ்த்தோட்டம் :: பொழுது போக்குச் சோலை :: கதைகள்

Page 1 of 1

ஆசை - ஒரு பக்க கதை

by அ.இராமநாதன் Thu Nov 27, 2014 9:44 am

-
ராகவனுக்கு அடுத்த வாரம் ரிட்டையர்மென்ட்.
மத்திய அரசு வேலை.
-
மனைவியோடு வசித்த குவார்ட்டஸை காலி செய்ய
வேண்டும் எப்போதும். வேலை விஷயமாக அடிக்கடி
வெளியூர் போக வேண்டியிருக்கும்.
-
மூன்று மகன்கள்...
அதே ஊரில் இருந்தும் என்ன புண்ணியம்?
அப்பா வீட்டில் இல்லாதபோது அம்மாவை உரிமையாக
வீட்டுக்கு வரச்சொல்லி கவனிக்கக்கூட மனமில்லை.
திட்டமிட்டே தூரம் தூரமாய் வீடு பார்த்து சென்று
விட்டார்கள்!
-
ராகவன் ரிட்டையர்டு ஆனதுதான் தாமதம்...மூத்த
இரண்டு மகன்களும் அப்பா அம்மாவை,தங்களுடன்
வந்து தங்குமாறு போட்டி போட்டு அழைத்தனர்
-
மூன்றாவது மகனிடமிருந்து அழைப்பு இல்லை.
ராகவன் அவனை போனில் அழைத்தார்.
-
நீ மட்டும் ஏம்பா எங்களை கூப்பிடலை..?
-
''அப்பா! அண்ணனுங்க மாதிரி நான் பெரிய சம்பளம்
வாங்கலை.சாதாரண சம்பளம் வாங்கறேன். நீங்க
வேலையில் இருக்கும்போதே அம்மாவை வீட்டுக்கு
கூபிடவும் ஆக்கிப் போடவும் வசதி இல்லை.
இப்ப நான் உங்களை கூப்பிட்டா உங்க ரிட்டயர்மென்ட்
பணத்துக்கும் பென்ஷனுக்கும் ஆசைப்பட்டு கூப்பிடறதா
ஆகிடும்.அதான்...'' என்றான் அவன் தயங்கியபடி.
-
அடுத்த நாள்...
-
பணத்தாசை இல்லாத மூன்றாவது மகன் வீட்டுக்கே
மூட்டையைக் கட்டினார்கள் அவர்கள்!
-
-----------------------------
>வி.சகிதா முருகன்
நன்றி: குங்குமம்

அ.இராமநாதன்: நவரச நாயகன்; Posts : 31809
Points : 70033
Join date : 26/01/2011
Age : 80