அறம்காக்க ஆர்த்தெழுவோம்

by **karumalaithamizhazhan** Tue Feb 03, 2015 6:28 am

அறம்காக்க ஆர்த்தெழுவோம்

பாவலர் கருமலைத்தமிழாழன்

மனுநீதி    சோழனவன்    பசுவிற்    காக
                    மகனையை    கொன்றுநீதி    அறத்தைக்   காத்தான்
முணுமுணுத்த    சொல்மாறிப்    போன   தாலே
                    முறைதவறிப்     போனதுயிர்    என்றே   தம்மின்
அணுவெல்லாம்    துடித்திடவே     பாண்டிய    மன்னன்
                    அறம்காக்க    உயிர்துறந்தான்    கண்ணகிக்    காக
மனுபோட்டு    மனுபோட்டே     இன்று   நீதி
                  மன்றத்தைக்     கேலிக்கூத்தாய்     ஆக்கு    கின்றார் !

வரம்தந்த    சிவன்தலையில்    கையை    வைக்க
          வந்தவொரு    அரக்கன்போல்    வாக்க    ளித்தே
அரசாட்சி    தந்தயிந்த     மக்கள்    தலையில்
          ஆள்வோர்கள்    கைவைத்தே    அழிக்கும்    போதும்
உரமின்றிக்    கேட்பதற்கும்    துணிவு    மின்றி
          உயிர்க்கஞ்சி    வாழ்கின்ற    மக்கள்   தம்மைக்
கரம்கொடுத்துக்    காப்பதற்கு     முன்வ    ராமல்
          கயமைகளே     கோலோச்ச    பார்த்தல்   நன்றோ !

அறம்கூறும்    இலக்கியங்கள்    பலவி   ருந்தும்
                    அறநூலாம்    திருக்குறள்தாம்    இங்கி    ருந்தும்
மறத்திற்கும்    அறம்வகுத்து    மாண்பு    காத்த
                    மன்னர்கள்    வரலாற்றைப்    படித்தி   ருந்தும்
புறமொதுக்கித்    தன்னலத்துக்    கரவு   நெஞ்சால்
                    பும்மைசெயல்    செய்திந்த     சமுதா    யத்தில்
அறந்தன்னைக்     கொல்பவரைத்    தட்டிக்    கேட்டே
                    அநீதியை    ஆர்த்தெழுவோம்    அழிப்ப    தற்கே !

நல்லவர்கள்   ஒதுங்கிநின்று    அறத்தை   யின்று
          நடுத்தெருவில்    துடிக்கவிட்டுப்    பார்ப்ப   தாலே
வல்லவர்கள்     அதைத்தம்மின்    கையால்   கொன்று
          வளர்க்கின்றார்    அதர்மத்தைத்     துணிவாய்    நின்று
இல்லையென்னும்     அறந்தன்னை     இழுத்து    வந்தே
          இங்கமர    வைப்பதற்கே    முயற்சி    செய்தே
எல்லோரும்    ஒன்றிணைந்தே    துணிந்தெ    ழுந்தால்
          எழில்அறம்தான்     ஆட்சிசெய்ய வந்தி   டாதோ !

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

அறம்காக்க ஆர்த்தெழுவோம்

அறம்காக்க ஆர்த்தெழுவோம்

Re: அறம்காக்க ஆர்த்தெழுவோம்