கல்பனா சாவ்லா

by **karumalaithamizhazhan** Wed Feb 25, 2015 7:06 pm

கல்பனா சாவ்லா

பாவலர் கருமலைத்தமிழாழன்

அரியானா   மாநிலத்துக்    கர்நால்   என்னும்
        அழகான    சிற்றூரில்    பிறந்த   பெண்ணாம்
பெரிதாக   சாதிக்கும்    எண்ணம்   நெஞ்சில்
         பெற்றிருந்த    அப்பெண்ணோ    இளமை   தொட்டே
அரிதான   கல்விதன்னில்    ஆர்வம்   கொண்டே
          ஆரம்பப்   பள்ளிமுதல்   எதையும்   ஆய்ந்தே
விரிவான    விளக்கத்தை    ஆசிரி   யர்கள்
           வியந்திடவே    கேள்விகேட்டுத்    தெளிவு   பெற்றார் !

விண்வெளியின்    பொறியாளர்    ஆகும்   எண்ணம்
          விதையாகி   நெஞ்சிற்குள்   வளர்ந்த   தாலே
எண்கணிதம்   இயற்பியலைப்    பாட   மாக
          எடுத்தவளும்   பள்ளிதனில்    தேர்ச்சி    பெற்றார்
கண்ணான    கனவுதனை   நனவாய்    ஆக்கக்
          கல்லூரி    தனில்சேர்ந்த    ஒரேபெண்    ணாக
விண்வெளியின்    துறைதனிலே    பட்டம்   பெற்று
          விரிவான    ஆய்வுகளை    நாளும்   செய்தார் !

வான்வெளியில்   நடப்பதற்கும்   இயந்தி   ரத்தால்
          வடிவமைத்த   மனிதரினை    இயக்கு   தற்கும்
ஊன்உறக்கம்    இல்லாமல்   பயிற்சி   பெற்றே
           உடல்மனம்   இரண்டினிலும்    தகுதி   பெற்றார்
தான்நினைத்த   எண்ணத்திற்   கேற்ற   வாறு
           தரைவிட்டுப்   பறக்கின்ற   வீரர்   ஆறில்
மீன்போன்றே    எதிர்நீச்சில்    போட்டி   லக்கை
           மிதித்திட்ட    சாவ்லாவும்   ஒருவ   ரானார் !

இந்தியாவின்   பெயர்சொல்ல    விண்ணின்   மீது
          இறக்கையின்றிப்   பறந்திட்டார்   முதல்பெண்   ணாக
விந்தையன்று    இளமைமுதல்    தளர்ச்சி   யின்றி
          விடாமுயற்சி   யாலிந்த    சாதனை   செய்தார்
சிந்தனையே   செயலாகும் ! செயலைச்   செய்து
          சிறந்திட்ட   கல்பனாநல்   சாவ்லா   போன்றே
முந்திவந்து    பெண்களெல்லாம்   சரித்தி   ரத்தில்
          முன்நிற்க   மகளிர்நாள்   உறுதி    ஏற்பீர் !

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

கல்பனா சாவ்லா

கல்பனா சாவ்லா

Re: கல்பனா சாவ்லா