மூட்டைப் பூச்சி

by itzyasar Sun Dec 26, 2010 2:01 am

கடன் அரிப்பாலே
கடல் கடந்துப் பாலையில்;
இங்கு வேலையில்;
மூட்டை முடிச்சுடன்!

கனமான நினைவுகளுடன்
கட்டிலில் சாய்ந்தால்
முத்தமிட நம்மை
முட்டித்தள்ளும்
மூட்டைப் பூச்சி!

வெளிச்சம் கண்டு
வெட்கம் கொண்டு
ஒளிந்துக் கொண்டு;
இரவைக்கண்டு
இருளைக் கொண்டு
இடுக்கில் மூட்டை!

ஒழிப்பதற்கு
விழித்திருந்தாலும்
கடித்துவிட்டுக்
கடுபேற்றிவிட்டுச் செல்லும்!

இரக்கமே இல்லாமல்
இமை மூட மறுக்கும்
உறக்கத்திற்கு;
கட்டித்தழுவும் நேரத்திலே
கொட்டிவிட்டுச் செல்லும்;
குருதியைக் குடித்துவிட்டுச் செல்லும்!

by **கவி கவிதா** Fri Dec 31, 2010 1:23 pm

மிக அருமை. வெளிநாடு சென்று பணி செய்பவர்களைக் கண்டால் கொஞ்சம் பொறாமையாக இருந்தது ஒரு வருடம் முன். ஆனால் அவர்களின் சுமை, சொந்த பந்த நிகழ்விற்கு வரமுடியா நிலை, இறந்தால் கூட துக்கத்தை தொலைபேசியில் பகிரும் கொடுமை.. பதிக்க வைக்கும் நிஜம்