வேண்டினான்...
வரவேண்டுமென
பயிரிட்டவன்....
வேண்டினான்..
வரக்கூடாதென
வியாபாரி...
பாரபட்சமின்றி
பெய்தது மழை..!
------------------------------------
ஒவ்வொருவரிடமும்...
அரட்டை அடிப்பான்...
தொலைகாட்சியில்
தொலைந்தே போவான்..
பெற்றவர் சொல்லும்
எந்த வேலைக்கும்..
நேரமில்லை என்பான்..!
----------------------------------------
வீடு கட்ட வாங்கிய கடன்
கட்டிய வீடு பழசாகிவிட்டது..
வட்டி மட்டும் இன்னும்...
புத்தம்புதிதாய் அசலுடன்..!
-------------------------------------------
நினைத்ததெல்லாம்...
நடந்து கொண்டிருந்தது...
தொட்டதெல்லாம் பொன்னாக..
யாரங்கே...?
என் கனவைக் கலைத்தது..!
--------------------------------------------
ஆசைகளும்..ஏக்கங்களும்..
கனவுகளும், பெருமைகளும்..
அமைதியாக அடங்கிப்
போயின கல்லறையில்...!
------------------------------------------
விழிகள் வெளி
நோக்கிப் பார்க்கிறது
மனம் உள்
நோக்கிப் போகிறது...
தூரங்கள் அறியாமலே...!
-------------------------------------------
தடைகள்....எனை நோக்கி
எய்த அம்புகள்
ஒன்றின் மேல் ஒன்றாய்..
உயரத்தில் நான்..!
-------------------------------------------
வெட்டி வெட்டி களைந்தாலும்
மீண்டும்.. துளிர்க்கும்.... புல்...!
வெறும் புல்லென வேரோடு
வெட்டாமல் விட்ட வினை..!
-----------------------------------------------
கண் ஜன்னல் மீறி
வெளி நடந்தது..
தென்னங்கீற்று பால்நிலா
பக்குவமாய் தரை விழ
யாருக்கும் தெரியாமல்..!
-----------------------------------------------
நிலம்...எரிமலை..புயல்
சீறும் மழை..பொங்கும் கடல்..
அத்தனையும் மௌனமாய்...
மனக் குமுறலின் முன்..
மண்டியிட்டு...!
------------------------------------------------
என்னைக் காக்க
எப்போதும் உனையன்றி
வேறேதும் இங்கில்லை...
மௌனமே என் துணை..!
-----------------------------------------------
நெருங்கி வாழாதோ
நேசமான உறவுகள்..
இருந்தாலும் இதயத்தில்
வெற்றிடமில்லை...!
-----------------------------------------------
எங்கும் முகமூடி
நடமாட்டம்...
நம்பாதே...போலி..!
நிழல் என்றும் துணை.!
-------------------------------------------------
அனுபவப் பாடம்
கற்றுத் திரும்பினால்
வாழ்க்கை பள்ளி
தாழிட்டது..!
-------------------------------------------------
பறக்க நினைக்கும்
போதெல்லாம்....
தரையைப் பார்க்கிறேன்.
வெட்டப்பட்ட சிறகுகள்..!
----------------------------------------------------
வாழ்வின் புதிய
அத்தியாயங்கள்
ஆரெட்டிலும்....
அரங்கேறும்...
கனவுகளாய்..!
--------------------------------------------
மன அதிர்வுகள்
வார்க்கும் வரிகள்
அடுத்த இதயத்தை
தாக்கினால் வாகை..
சூடும்.. கவிதை..!
------------------------------------------------
மௌனம் கூட
உச்சரிக்கிறது...
எங்கும் நீ..!
--------------------------------------------------
நம்பிக்கையான
நட்பு ஒன்றினால்
நேசிக்க முடிகிறது
வாழ்க்கையை..!
----------------------------------------------------
உலக மாயையில்
முகத்திரை தாங்கினால்
உயிர் தாங்குமா
போலி நாடகம்...
சாட்சி சுரண்டும்..!
----------------------------------------------------
சுற்றிலும் சுதந்திரம்
பூகம்பம் உள்ளில் ஆயினும்
புன்னகை புரியும்
மனம்..!
------------------------------------------------------
ஜெயஸ்ரீ ஷங்கர்.