அழுத்தம் கொடுத்து அழுத்தம் போக்கும் சிகிச்சை!

by **அ.இராமநாதன்** Sun Jul 31, 2016 9:31 am

ஓல்டு இஸ் கோல்டு!

ஸ்ட்ரெஸ்...
-
அழுத்தம் கொடுத்து அழுத்தம் போக்கும் சிகிச்சை! Ht44261

இந்த வார்த்தையை உச்சரிக்காதவர்களே இல்லை. ஸ்ட்ரெஸ் எனப்படுகிற மன அழுத்தத்தைக் குறைக்க, பாதங்களைத் தொட்டுச் செய்கிற ரெஃப்ளெக்சாலஜி சிகிச்சை முறை பலனளிக்கும் என்கிறார் ரெஃப்ளெக்சாலஜி சிறப்பு சிகிச்சை நிபுணர் கார்த்திக். ``உடல் உறுப்புகளின் பிம்பத்தை பிரதிபலிக்கும் பாதம் மற்றும் கைகளில் உள்ள மையப் புள்ளிகளில் அழுத்தம் கொடுப்பதன் மூலம் குறிப்பிட்ட உறுப்புகளை இயங்கச் செய்வதே ‘ரெஃப்ளெக்சாலஜி’ என்கிற கார்த்திக், அதன் சிறப்புகளைப் பற்றிப் பேசுகிறார்.

“இது புதிதாக வந்த சிகிச்சை இல்லை. 5 ஆயிரம் ஆண்டுகளுக்கு முன்பே தாய்லாந்து, சீனா, எகிப்து போன்ற கிழக்கத்திய நாடுகளில் ‘ரெஃப்ளெக்சாலஜி’ சிகிச்சை முறையை பின்பற்றி வந்தார்கள். கி.பி.1017ல் அதிகாரப்பூர்வமாக டாக்டர் வாங்வேய் அங்கீகரித்த பிறகு, இந்தியாவில் முதல் முறையாக 2002ம் ஆண்டில் இந்த சிகிச்சை முறை அறிமுகமானது. நான் மலேசியாவில் உள்ள புசெட் ரெஃப்ளெக்சாலஜி சினாகா இன்ஸ்டிடியூட்டி (Pusat Reflexology Cinaga Institute) ல் முறைப்படி இந்த சிகிச்சை முறையைக் கற்றுக் கொண்டேன்.

எனக்கு இக்கலையை பயிற்றுவித்தவர் பார்வை இழந்தவர். சீனர் அல்லாத எனக்கு இந்த சிகிச்சையைக் கற்றுத் தர முதலில் அவர் சம்மதிக்கவில்லை. இடைவிடாது தொடர்ந்து அவரிடம் சென்று அவரை சம்மதிக்க வைத்தேன். இந்தியாவில் அறிமுகமான அந்த வருடத்திலேயே சென்னையில், ரெஃப்ளெக்சாலஜி சிகிச்சையை அறிமுகப்படுத்தினேன். மனித உடலானது, உறுப்புகளில் ஏற்படும் பிரச்னைகளை தனக்குத்தானே சரிசெய்து கொள்ளும் அசாத்திய ஆற்றல் பெற்றது. ரெஃப்ளெக்சாலஜி சிகிச்சை முறையில் நோயை குணப்படுத்தும் ஆற்றலைத் தூண்டி உடல் மீண்டும் தன்னை மறுஉருவாக்கம் செய்து கொள்ள ஊக்குவிக்கிறது.

உடல் உள்ளுறுப்புகளோடு தொடர்புடைய கால் மற்றும் கைகளில் உள்ள புள்ளிகளை தூண்டும் அறிவியல்தான் இது. இப்புள்ளிகளில் கொடுக்கப்படும் அழுத்தம் பாதிக்கப்பட்ட பகுதியில் ரத்த ஓட்டத்தை அதிகரிப்பதால், நோயிலிருந்து விரைவில் குணமடைய முடிகிறது. அதேநேரம், உடலின் ஒவ்வொரு உறுப்புகளினூடே ஊட்டச்சத்துகள், ஆக்சிஜன், ஹார்மோன்கள், ஆன்ட்டிபாடிகள் மற்றும் கழிவுப் பொருட்கள் போக்குவரத்துக்கு ரத்த ஓட்டம் மிகவும் அவசியம். ரத்த ஓட்டம் அதிகரிக்கும் போது நரம்பு மண்டலப்பகுதிகளிலும், அதன் தொடர்பான உறுப்புகளிலும் இறுக்கம் குறைவதால், உடலோடு, மனம், உணர்வு மற்றும் ஆன்மாவுக்குப் புத்துணர்ச்சி கிடைக்கிறது. இதனால் இளமையான தோற்றத்தை திரும்பப் பெறலாம்.

இன்று ஐ.டி, மார்க்கெட்டிங் துறைகளில் இருப்பவர்கள் மட்டுமில்லை பெரும்பாலும் அனைவருமே மன அழுத்தம் நிறைந்தவர்களாக இருக்கிறார்கள். அதிகப்படியான மன அழுத்தமே, உடலின் நோய் எதிர்ப்பு சக்தி குறைந்து நோய் வரக் காரணமாகிறது. இவர்களுக்கு இச்சிகிச்சை நல்ல பலனளிக்கக்கூடியது. தேர்வு நேரங்களில் மாணவர்களுக்கு ஏற்படும் மனப்பதற்றத்தை குறைத்து நினைவாற்றலை வளர்த்துக் கொள்ள உதவும். இப்போது அனைத்து வயதினரும் தூக்கமின்மை, மூட்டுவலி, முதுகுவலி, அசிடிட்டி, செரிமானமின்மை கோளாறு களால் அவதிப்படுவதைப் பார்க்கிறோம். இவர்களுக்கும் பெண்களுக்கு ஏற்படும் தைராய்டு, மாதவிடாய் கோளாறுகளுக்கும் சிறந்தது.

வலது பாதமும், இடது பாதமும் முறையே உடலின் வலது மற்றும் இடது பக்கங்களோடு தொடர்புடையவை. உள்பாதங்கள் வயிறு, சிறுநீரகம், கல்லீரல் மற்றும் கணையத்தோடு இணைபவை. பெருவிரல் தலை, கழுத்தோடு ஒத்துள்ளவை. பாதத்தின் பந்துப்பகுதி, தோள் களோடும், குதிகால் இடுப்போடும் தொடர்புடையது. உடலின் வெளி உறுப்புகளான கை, கால், மூட்டுகள் மற்றும் எலும்பு தசைநார்கள் பாதங்களின் வெளிப்புற ஓரங்களோடு இணைபவை.

இப்படி முக்கியமான உள் உறுப்புகள் அனைத்தும் பாதப்புள்ளிகளுடன் இணைந்திருப்பதால், பாதங்களில் அளிக்கப் படும் மசாஜ் மூலம் உயர் ரத்த அழுத்தம், சர்க்கரை நோய், ஆஸ்துமா, அலர்ஜி, சைனஸ், டான்சில்ஸ் மற்றும் புற்று நோய் போன்ற எல்லாவிதமான நோய்களுக்கும் சிறந்ததாக ரெஃப்ளெக்சாலஜி சிகிச்சையை ஆராய்ச்சியாளர்கள் பரிந்துரைக்கிறார்கள்’’ என்கிறார் கார்த்திக்.

- இந்துமதி

படங்கள்: ஆர்.கோபால்
நன்றி குங்குமம் டாக்டர்

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

அழுத்தம் கொடுத்து அழுத்தம் போக்கும் சிகிச்சை!

அழுத்தம் கொடுத்து அழுத்தம் போக்கும் சிகிச்சை!