சொல்லாலே தோன்றும் சுகம்!

by **அ.இராமநாதன்** Wed Aug 03, 2016 1:47 pm

-
வள்ளுவத்தில் கம்பனில் வண்ணச் சிலம்பதனில்
தெள்ளுதமிழ்த் தெய்வச்சீர் தேவாரம் விள்ளுமுயர்
நல்ல திருவாசகத்தில் நாளும் திளைத்தவரின்
சொல்லாலே தோன்றும் சுகம்!
-
க-கவிக்கோ ஞானச்செல்வன், சூளைமேடு
-
-------------------------------------
-
தொட்டில் குழந்தை துயில் கொள்ளும் காட்சியிலே
கொட்டிக் கிடக்குதம்மா கோடியெழில் - தொட்டவுடன்
பொல்லாக் குறும்புடனே பொன்மழலை சிந்துகின்ற
சொல்லாலே தோன்றும் சுகம்!
-
-குமரி அமுதன், சாலிகிராமம்
-
-------------------------------------
-
உச்சிமேல் கை வைத்(து) உவப்போடு காலசைத்து
இச்சையுடன் தன் இமை விரித்துப்- பச்சரசிப்
பல்தெரியப் பெற்ற பிள்ளை பேசுகின்ற தேன்மழலை
சொல்லாலே தோன்றும் சுகம்!
-
-கோ.பாலசுப்ரமணியன், சிதம்பரம்
-
----------------------------------------

by **அ.இராமநாதன்** Wed Aug 03, 2016 1:47 pm

-
நெஞ்சம் குளிரும் நிறைவாகும் சஞ்சலங்கள்
பஞ்சாய்ப் பறந்து பதுங்கிவிடும் அஞ்சலென
வில்லாலே வீழ்த்தும் விறல் மாயன் மொழிச்
சொல்லாலே தோன்றும் சுகம்!
-
ஏ.அமிர்தம், ஈரோடு
-
----------------------------------------
-
கல்லால் கிடைக்கும் கவின்சிலை கைத்திற
வில்லால் கிடைத்திடும் வெற்றியே - நல்லவயல்
நெல்லால் கிடைக்கும் நிறைவே , அருள்மிகு
சொல்லாலே தோன்றும் சுகம்!
-
அரிமா இளங்கண்ணன், புரசைவாக்கம்
-
---------------------------------------
நன்றி- அமுதசுரபி

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

சொல்லாலே தோன்றும் சுகம்!

சொல்லாலே தோன்றும் சுகம்!

Re: சொல்லாலே தோன்றும் சுகம்!