வாடிக்கையாளர் போல் போலி கையெழுத்திட்டு 2.43 கோடி மோசடி செய்த வங்கி பெண் ஊழியர் கைது

by **அ.இராமநாதன்** Sat Sep 24, 2016 8:40 pm

சென்னை: போலி கையெழுத்திட்டு வாடிக்கையாளர்களின் வங்கி கணக்கில் இருந்து 2.43 கோடி மோசடி செய்த வங்கி பெண் ஊழியரை மத்திய குற்றப்பிரிவு போலீசார் கைது செய்தனர்.சென்னை எம்.ஆர்.சி.நகர் ஸ்டேட் பேங்க் ஆப் இந்தியா வங்கியின் மேலாளர் மோகன் என்பவர் கடந்த 17ம் தேதி போலீஸ் கமிஷனர் அலுவலகத்தில் புகார் ஒன்றை அளித்தார்.
-
அதில், “எங்கள் வங்கி கிளையில் பெண் சிறப்பு உதவியாளராக பணியாற்றி வரும் ராஜி பசந்த் ராவ் (54) என்பவர், வாடிக்கையாளர் செயின்ட் தாமஸ் கேத்திரில் பசிலிகா என்பவரின் வங்கி கணக்கில் இருந்து அவருக்கு தெரியாமலேயே வாடிக்கையாளரின் கையெழுத்தை தானே போலியாக போட்டு நிரந்தர வைப்பு வங்கி கணக்கில் இருந்து 2.43 கோடி அபகரித்து விட்டார். எனவே அவர் மீது நடவடிக்கை எடுக்க வேண்டும்” என்று கூறியிருந்தார்.
-
இதுகுறித்து விசாரணை நடத்த போலீஸ் கமிஷனர் ஜார்ஜ் மத்திய குற்றப்பிரிவு போலீசாருக்கு உத்தரவிட்டார். அதன்படி வழக்கு பதிவு செய்த மத்திய குற்றப்பிரிவு போலீசார் சாந்தோமை சேர்ந்த வங்கி பெண் உதவியாளர் ராஜி பசந்த் ராவ் விடம் விசாரணை நடத்தினர்.
-
விசாரணையில் ராஜி பசந்த் ராவு பி.எஸ்சி வரை படித்துள்ளார். அவரது கணவர் எஸ்பிஐ வங்கியில் மேலாளராக பணிபுரிந்து ஓய்வு பெற்றவர். ராஜி பசந்த் ராவ் கடந்த 2008ம் ஆண்டு முதல் எம்.ஆர்.சி.நகரில் உள்ள ஸ்டேட் பேங்க் ஆப் இந்தியா வங்கி கிளையில் பெண் சிறப்பு உதவியாளராக பணிபுரிந்து வந்துள்ளார்.
-
அதே வங்கியில் நிரந்தர வைப்பு கணக்கு வைத்துள்ள செயின்ட் தாமஸ் கேத்திரில் பசிலிகாவின் கணக்கில் உள்ள தொகையை அவருடையே விண்ணப்பத்தில் இடைச்சொருகல் செய்து நடப்பு கணக்குகள் ஆரம்பித்துள்ளார்.

பின்னர், அந்த வைப்பு தொகையை முன் கூட்டியே முடித்து ₹2.43 கோடியை நடப்பு கணக்கிற்கு கடந்த 2014ம் ஆண்டே மாற்றியுள்ளது தெரியவந்தது. இதையடுத்து மத்திய குற்றப்பிரிவு போலீசார் ராஜி பசந்த் ராவை கைது செய்து நீதிமன்றத்தில் ஆஜர்படுத்தி புழல் சிறையில் அடைத்தனர்.
-
தினகரன்

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

வாடிக்கையாளர் போல் போலி கையெழுத்திட்டு 2.43 கோடி மோசடி செய்த வங்கி பெண் ஊழியர் கைது

வாடிக்கையாளர் போல் போலி கையெழுத்திட்டு 2.43 கோடி மோசடி செய்த வங்கி பெண் ஊழியர் கைது