[You must be registered and logged in to see this image.]

சட்டை போடாமல் விஜய் சண்டை போடும் காட்சி 
வலைதளங்களில் வைரலாகி இருக்கிறது.

பைரவாவுக்காக பெரிய செட் போட்டு சண்டைக் 
காட்சியை படமாக்கி வருகிறார் இயக்குநர் பரதன். 
விநாயகர் சதுர்த்திக்கு ஃபர்ஸ்ட் லுக் வெளியாகும் 
என எதிர்பார்த்திருந்த வேளையில் 48 மணிநேரத்திற்கு 
முன்னதாகவே படங்கள் வெளியாக... படக் குழுவுக்கு 
பயங்கர ஷாக்! எப்படி? 

யாரோட வேலை? இதுவரை அந்த சஸ்பென்ஸூக்கு 
விடை கிடைக்கவில்லை. யார் வெளியிடயடால் என்ன? 
விஜய் இருக்கிறாரா? அதுபோதுமே! மொத்த ரசிகர் 
பட்டாளமும் பட்டாசாக பரபரக்க ஆரம்பித்துவிட்டார்கள்.

நடிகர் சிபிராஜ் தனது டுவிட்டர் பக்கத்தில் 
Here comes the king! mass thalaivaa. 
Bairava என்று குஷியாக கொண்டாடித் தீர்த்திருக்கிறார். 

ஜி.வி. பிரகாஷ் ilayathalapathy swag: 
best of luch Bhairava என தன் பங்குக்கு கொண்டாடி
இருக்கிறார்

. 'இளைய தளபதி விஜய்க்கு இது 60வது படம். ஆனால் 
எனக்கு பைரவா 25வது படம். 'மதராசப்பட்டினம்' தொடங்கிய
 என் சினிமா பயணம் இன்னைக்கு இளைய தளபதிகூட
 25வது படமா அமைஞ்சது தற்செயலானதல்ல, எல்லாம் காட்ஸ் 
கிரேஸ்' என்கிறார் விஜய்யுடன் சேர்ந்து நடிக்கும் காமெடி நடிகர் 
சதீஷ். 

இதே உற்சாகம் ஹீரோயின் கீர்த்தி சுரேஷிடமும் 
கொப்பளிக்கிறது. 'ஆக்சுவலி நான் யங் ஹீரோயின். 
ஆனா என்னைவிட யங்கா விஜய் இருக்கார்' என முத்துப்பல் 
தெரியப் பேசுகிறார் கீர்த்தி.

ஒரு மாதத்துக்கு முன்பாகவே ஆந்திராவிலுள்ள 
ராஜமுந்திரியில் முஷ்டியை முறுக்கி சண்டை போட
 ஆரம்பித்த விஜய் மொத்தம் 20 நாட்கள் வரை அங்கேயே 
படத்தின் முழு சண்டைக் காட்சிகளையும் முடித்துக் 
கொடுத்திருக்கிறார். 

இதுபோக திருநெல்வேலியில் பல நாட்கள் படப்பிடிப்பு 
நடந்திருக்கிறது. படத்தின் தலைப்பாக மூன்று சாய்ஸ்கள் 
இருந்துள்ளது. விநாயகா, பைரவா, கடம்பா,.

நீண்ட விவாதங்களுக்குப் பிறகு பைரவா ஓ.கே. என டிக் 
செய்திருக்கிறார் விஜய். அடுத்த நொடியே டைட்டிலை 
தட்டிவிட்டிருக்கிறது படக்குழு. பதியப்போன இடத்தில் 
இதே டைட்டிலை ராகவா லாரன்ஸ் 'கால பைரவா' என 
பதிந்து வைக்க, கோரிக்கை கொடுத்திருக்கிறது விஜய் 
தரப்பு. 

அப்ரோச் ரொம்பவே டீசெண்ட்டாக நடந்து முடிந்திருக்கிறது. 
தாராளமா யூஸ் பண்ணிக்கோங்க, ராகவேந்திரர் எத யாருக்கு 
கொடுக்கணுமோ அத அவங்களுக்கு கொடுப்பார் என
 சந்தோஷப்பட்டிருக்கிறார் லாரன்ஸ். 
ஆக டைட்டிலை தக்க வைத்த கதை இப்படி நீள்கிறது.

விஜய் சமீபகாலமாக இயக்குநருக்கு ஏதாவது கோரிக்கை 
வைக்கிறது என்றால் அது பஞ்ச் வசனங்கள் விஷயமாகத்தான் 
இருக்கும். எதிர்பார்த்த மாதிரி 'தீயா இருக்கக்கூடாது.... 
நெருப்பா பறக்கக் கூடாது' என்றும் சாதுவாக போய்விடலாம் 
என்று சொன்னதாக தகவல். 

ஆனால் இந்த கோரிக்கை வசனம் வரைதான் பாடல்கள் 
என்னவோ பக்கா மாஸாக இருக்கிறதாம். வைரமுத்துவின் 
வரிகள் என்பதால் தத்துவம் கலந்து சந்தமும் கலந்தே 
இருக்கிறதாம். 

எல்லாப் பாடல்களையும் அவரே எழுதுவது எதிர்பார்ப்பை 
இன்னும் எகிற வைத்திருக்கிறது.
இந்த மாதத்தோடு மொத்த ஷூட்டிங்கும் முடிந்துவிடும். 
தீபாவளி தினத்தில் டீஸர் ரிலீஸுக்கு டிஸ்கஷன் போய்க் 
கொண்டிருக்கிறது. நவம்பரில் ஆடியோ ரிலீஸ். 

நிச்சயம் படம் தீபாவளிக்கு ரிலீஸ் இல்லை. பைரவா 
இளைய தளபதி தன் ரசிகர்களுக்கு கொடுக்கப்போகும் 
பொங்கல் பரிசு என்கிறார் படத்தின் இயக்குநர் பரதன் 
வாழ்த்துக்கள் கண்ணா!
-
-----------------------------------------
-மகா
குமுதம்