வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

feeds

எழுத்துப் போலிகள்

தமிழ்த்தோட்டம் :: கவிதைச் சோலை :: சொந்தக் கவிதைகள்

Page 1 of 1

எழுத்துப் போலிகள்

by karumalaithamizhazhan Sun Oct 16, 2016 1:15 pm

எழுத்துப் போலிகள்
பாவலர் கருமலைத்தமிழாழன்

வறுமையிலே   வாடுகின்ற   எழுத்தா ளர்தம்
            வளமான எழுத்துகளை   விலைக்கு   வாங்கி
சிறுமையாகச் சிலரிங்கே   அவரெ ழுத்தாய்
            சிறப்புதனைப் பெறுகின்றார்   நூலாய்   ஆக்கி !
எறும்புகூட   கண்ணில்லாப்   போதும்   ஊர்ந்தே
            எங்கெங்கும்   சென்றுணவைத்   தேடும் போதில்
இருகண்கள்   உள்ளவர்கள்   குருடர்   போன்றே
            இயங்காமல்   பிறர்காலில்   நடக்கின்   றார்கள் !

புலியாகப்   பூனையதும்    பாய்த   லுண்டோ
            புழுக்கையினைப்   புதையலாக   மதிப்போ ருண்டோ
எலிவலையை வீடென்றே   வாழ்வோ   ருண்டோ
            எட்டியதும்   அதிமதுரம் என்போ ருண்டோ !
அலிதன்னை   ஆண்பெண்ணாய்   ஏற்போ ருண்டோ
            அழகுசெய்தால்   கறுமுகம்தான்   வெளுப்பா யாமோ
பலித்திடுமோ   பொய்யர்தம்   கனவும்   நனவாய்
            படைப்பாளர்   ஆவாரோ   போலி யர்தாம் !

பசிதன்னை   விலைபேசி   வாங்கும்   எண்ணம்
            பரத்தையிடம்   பெறுகின்ற   இன்பம் போலாம்
புசியென்று வயிற்றுக்குக்   கொடுத்த   போதும்
            புரிகின்ற   பேரங்கள்   புனித   மாமோ !
நசிந்திருக்கும்   எழுத்தாளர்   நலிவைப்   போக்க
            நம்மன்னர்   முன்பளித்த   கொடையைப் போன்று
கசிந்திரக்கம்    காட்டாமல்   எழுத்தைப்   போற்றிக்
            கரம்தாழ்த்தி   அவரெடுக்கக்   கொடுத்தே   காப்போம் !

karumalaithamizhazhan: ரோஜா; Posts : 161
Points : 475
Join date : 01/10/2014
Age : 73
Location : Hosur. Tamil nadu, India