குறைந்த கட்டணத்தில் விமான சேவை..

by **அ.இராமநாதன்** Mon Oct 24, 2016 7:57 pm

புதுடில்லி:
ஒரு மணி நேரத்துக்கு ரூ.2,500 என்ற குறைந்த கட்டணத்தில்
சராசரி மக்களும் பயணம் செய்யும் விமான சேவை
ஜனவரி மாதம் அமலுக்கு வருகிறது.
–
உடன் திட்டம்:
–
பிராந்திய அளவில் இரண்டாவது நிலை நகரங்களையும்,
மூன்றாவது நிலை நகரங்களையும் விமான போக்குவரத்தின்
மூலம் இணைக்கவும், சராசரி இந்திய மக்களும் விமானத்தில்
பயணம் செய்யவும் வகைசெய்து மத்திய அரசு ‘உடன்’ என்ற
பெயரில் ஒரு திட்டத்தை அறிமுகம் செய்கிறது.
–
இது தொடர்பாக மத்திய சிவில் விமான போக்குவரத்து
அமைச்சர் அசோக் கஜபதி ராஜூ செய்தியார்களிடம்
பேசுகையில், ”சராசரி இந்திய மக்களும் விமானத்தில் பயணம்
செய்ய வேண்டும் என்ற நோக்கத்திலான நம்பிக்கையுடன்
வடிவமைத்து இருக்கிறோம்.

இந்த திட்டத்தின்கீழ் முதல் விமானம், 2017-ம் ஆண்டு ஜனவரி
மாதம் தனது பயணத்தை தொடங்கும்’ என்றார்.
தற்போது பயன்பாட்டில் இருக்கிற விமான நிலையங்களும்,
பயன்பாட்டில் இல்லாத விமான நிலையங்களும் இணைக்கப்படும்.

ராஜஸ்தான் மாநிலம் பிகானர் மற்றும் ஜெய்சால்மீர் விமான
நிலையங்கள், குஜராத் மாநிலத்தில் உள்ள பாவ்நகர் மற்றும்
ஜாம்நகர் விமான நிலையங்கள், பஞ்சாப் மாநிலத்தில் உள்ள
பதிண்டா மற்றும் பதன்கோட் விமானநிலையங்கள் மற்றும்
உத்தரபிரதேச மாநில அலகாபாத் விமான நிலையம் மற்றும்
அசாம் மாநில லாகிம்பூர் மற்றும் ஜோர்காட் விமான
நிலையங்களை உடன் திட்டத்தில் பரிசீலிக்கப்பட்டு வருகிறது.
–
முதல் முறை
–
இந்த திட்டம் பற்றி சிவில் விமானத்துறை ராஜாங்க அமைச்சர்
ஜெயந்த் சின்கா கூறுகையில், ”இப்படி ஒரு திட்டத்தை அமல்
படுத்துவது உலகிலேயே இதுவே முதல் முறை. வேறு எங்கும்
செயல்படுத்தாத திட்டத்தை இங்கே செயல்படுத்துகிறோம்”
என குறிப்பிட்டார்.
–
—————————————
தினமலர்

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

குறைந்த கட்டணத்தில் விமான சேவை..

குறைந்த கட்டணத்தில் விமான சேவை..