சிம்பிள் ஸ்டார் விஜய் ஆண்டனி - பதில்கள்

by **அ.இராமநாதன்** Thu Nov 24, 2016 7:32 pm

அன்னையின் அரவணைப்பு மனைவியின் அரவணைப்பு - இதமானது எது?
அ. இரவீந்திரன், குஞ்சன்விளை
இரண்டு அரவணைப்பிலும் திளைக்கிறேன். இரண்டும் இதயத்திற்கு இதமானததான். தாய்க்குப் பின் தாரம்தானே..

உங்களுக்குப் பிடித்த பாடகர் - பாடகி யார்?
- எஸ். கதிரேசன், பேரணாம்பட்டு
இசைஞானி இளையராஜா வாய்ஸ், எஸ். ஜானகியம்மா வாய்ஸ் பிடிக்கும்.

முதல் பீர் அனுபவம் எப்படி?
மு.ரா. பாலாஜி, சொர்ணகுப்பம்
அது கல்லூரியில் படிக்கும் போது, ஒரு மகிழ்வான தருணத்தில் நண்பர்களுடன் நிகழ்ந்தது. என்னை கஷ்டப்பட்டு வளர்க்கின்ற அம்மாவுக்கு தெரிந்தால், ரொம்ப வருத்தப்படுவார் என்பதால் பிறகு அது தொடரவில்லை.

உங்கள் எதிரி என்று யாரைச் சொல்வீர்கள்?
- எஸ். மஸ்தானி, தாம்பரம்
என்னுடைய எதிரி நானே, என் நண்பனும் நானே; தீதும் நன்றும் பிறர் தர வாரா.

பணம் - புகழ் இவற்றில் எது மனதுக்கு அதிக மயக்கம் தரும்?
- காசிதாசன், வந்தவாசி
நான் இரண்டையும் பெரிதாக எடுத்துக் கொள்வதில்லை. ஆனால் இவை இரண்டுக்கும் மயக்கும் - ஈர்க்கும் ஆற்றல் அதிகம் கொண்டதுதான். தலைக்குள் ஏற்றிக் கொள்ளாமல் அதை தள்ளி வைத்துப் பார்த்துக் கொள்வது நல்லது.

கண்ணதாசன் பாடல்களில் உங்களை மிகவும் கவர்ந்தவை?
-எம். சம்பத், வேலாயுதம்பாளையம்
வீடு வரை உறவு, வீதி வரை மனைவி, காடு வரை பிள்ளை, கடைசி வரை யாரோ?

by **அ.இராமநாதன்** Thu Nov 24, 2016 7:33 pm

கார், பஸ், ரயில், விமானம் எதில் பயணம் செய்யப் பிடிக்கும்
- சீர்காழி சாமா, ஸ்ரீரங்கம்
ரயில் பயணம் ரொம்ப பிடிக்கும். அதுவும் ஜன்னல் ஓரம் உட்கார்ந்து கடந்து செல்லும் மனிதர்கள். வாகனங்கள், மரம், செடி, கொடி, வீடுகள் எல்லாம் பார்ப்பது பிடிக்கும்.

இசையமைப்பாளர், நடிகர் ஆகிவிட்டீர்கள், டைரக்ஷன் எப்போது?
- எஸ். ஜெரினா, ஆலந்தூர்.
நடிப்பு, இசையோடு சரி. நான் டைரக்ஷன் பண்ணமாட்டேன். புதுப்புது இயக்குனர்களை அறிமுகப்படுத்தவே விரும்புகிறேன்.

தற்போதைய இளம் இசையமைப்பாளர்களில் தங்கள் கவனம் ஈர்த்தவர் யார்?
- அயன்புரம், த. சத்தியநாராயணன்
சந்தோஷ் நாராயணன் ஷான் ரோல்டன் இருவரின் இசையும் புதுசா ரசிக்க வைக்கிறது.

ஸ்கூலை கட் அடித்து சினிமாவுக்கு போனது உண்டா?
- அ. ராஜாரஹ்மான், கம்பம்
ஆமாம், போயிருக்கேன். அப்போ ஆவாரம்பூ என்று ஒர படம் வந்திருந்தது. அதில் ஒரு பாடல் நன்றாக இருந்தது. அதற்காக ஸ்கூலை கட் அடித்துவிட்டு போனேன்.

தாங்கள் நடிக்கும் படத்தின் கதை குறித்து மனைவியிடம் கருத்து கேட்டதுண்டா?
- க. பக்தி விசுவாசம், மலையடிப்பட்டி
கதை கேட்டு நடிக்க முடிவு செய்த பிறகு. அந்தக் கதையை மனைவியிடம் சொல்வேன். ஒரு ரசிகையாக அவர் கருத்தும் கேட்டுக் கொள்வேன்.

- சபீதா ஜோசப்
குமுதம்

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

சிம்பிள் ஸ்டார் விஜய் ஆண்டனி - பதில்கள்

சிம்பிள் ஸ்டார் விஜய் ஆண்டனி - பதில்கள்

Re: சிம்பிள் ஸ்டார் விஜய் ஆண்டனி - பதில்கள்