தகவல்கள் 3...

by **அ.இராமநாதன்** Wed Dec 07, 2016 9:17 am

படைப்புக்கு மரியாதை!
லீனியஸ் என்ற தாவர இயல் நிபுணர் ஸ்வீடன் நாட்டைச் சேர்ந்தவர். அவர் ஒரு சமயம் வெளியே உலாவச் சென்றபோது "கோர்ஸ்' என்னும் காட்டுச் செடியைக் கண்டார். அதற்கு முன் அந்தச் செடியைக் கண்டதேயில்லை. அதன் மஞ்சள் வண்ணப் பூக்கள் அவருடைய உள்ளத்தை மிகவும் கவர்ந்தன!
அவர் உடனே முழங்காலால் மண்டியிட்டு, ""ஆண்டவனே! இவ்வளவு ஆச்சரியமான எழிலுடைய மலர்ச்செடிகளைப் படைத்த நின் கருணைக்கு நன்றி செலுத்துகின்றேன்''என்று கடவுளைத் துதித்தார்.
எல்.நஞ்சன், முக்கிமலை.

by **அ.இராமநாதன்** Wed Dec 07, 2016 9:17 am

கை தட்டு!
பெஞ்சமின் பிராங்ளின் ஒருமுறை தன் பேரனுடன் ஓர் இலக்கியக் கூட்டத்திற்குச் சென்றார். அங்கு உரையாற்றியவர்கள் பிரெஞ்சு மொழியில் பேசினர். அவருக்கு ஒன்றும் புரியவில்லை. இருந்தாலும் அதைக் காட்டிக்கொள்ள விரும்பாமல் அவருக்குத் தெரிந்த "பெளலர்' என்ற பிரெஞ்சுப் பெண்மணி கை தட்டும்போதெல்லாம் இவரும் கை தட்டினார்.
கூட்டம் முடிந்தது. பிரெஞ்சு மொழி தெரிந்த அவரது பேரன் பிராங்ளினிடம், ""என்ன தாத்தா! பேசினவங்க உங்களைப் பாராட்டிப் பேசினப்போ எல்லாம் மத்தவங்களைவிட நீங்கதான் அதிகமா கை தட்டினீங்க'' என்றான்.
மு.ரியானா, கம்பம்.

தியானம்!

புத்தரை பார்த்து, ""தியானத்தால் நீங்கள் எதை அடைந்தீர்கள்?'' என்று ஒருவர் வினவினார். அதற்கு புத்தர், ""நான் எதையும் அடையவில்லை....மாறாக நிறைய இழந்திருக்கிறேன்...''
""அப்படியா...? என்னென்ன?''என்று கேட்டார் வந்தவர்.
""அவை... கோபம், படபடப்பு, மனச்சோர்வு, பாதுகாப்பற்ற உணர்வு, வயோதிகம் பற்றியும், இறப்பைப் பற்றியும் உள்ள பயம்'' என்றார் புத்தர்!
ஜோ.ஜெயக்குமார், நாட்டரசன்கோட்டை.

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

தகவல்கள் 3...

தகவல்கள் 3...

Re: தகவல்கள் 3...