ரூ.8 ஆயிரம் லஞ்சம் வாங்கிய மின்வாரிய உதவி செயற்பொறியாளர் கைது

by **அ.இராமநாதன்** Wed Dec 28, 2016 9:15 am

துமகூரு அருகே பழுதான டிரான்ஸ்பார்மரை மாற்றி தருவதற்கு
ரூ.8 ஆயிரம் லஞ்சம் வாங்கிய மின்வாரிய உதவி செயற்பொறியாளரை
ஊழல் தடுப்பு படை அதிகாரிகள் கைது செய்தனர்.

லஞ்சம்

துமகூரு மாவட்டம் திப்தூர் கிராமத்தில் உள்ள டிரான்ஸ்பார்மர்
பழுதானது. இதன் காரணமாக திப்தூர் மற்றும் அதனை சுற்றியுள்ள
சில கிராமங்களில் வசிக்கும் மக்கள் மின் இணைப்பு இன்றி
அவதிப்பட்டு வருகிறார்கள்.

இதனால், பழுதான டிரான்ஸ்பார்மருக்கு பதில் புதிதாக டிரான்ஸ்பார்மர்
நிறுவ வேண்டும் என கிராம மக்கள் குப்பியில் உள்ள ‘பெஸ்காம்‘
(பெங்களூரு மின்சார வாரியம்) அலுவலகத்தில் மனு கொடுத்தனர்.

அப்போது, மின்வாரிய அலுவலகத்தில் உதவி செயற்பொறியாளராக
பணியாற்றி வரும் ரவீஷ் என்பவர் டிரான்ஸ்பார்மரை மாற்றி கொடுக்க
வேண்டும் என்றால் ரூ.10 ஆயிரம் லஞ்சமாக தர வேண்டும் என கிராம
மக்களிடம் கூறியுள்ளார். பின்னர், அவர்களுக்குள் நடந்த பேச்சு
வார்த்தையின் உடன்பாட்டில் லஞ்சப்பணம் ரூ.8 ஆயிரமாக குறைத்து
கொள்ளப்பட்டது.

உதவி செயற்பொறியாளர் கைது

இருப்பினும், கிராம மக்கள் லஞ்சம் கொடுக்க விரும்பவில்லை.
இதுகுறித்து கிராம மக்கள் சார்பில் ஒருவர் ஊழல் தடுப்பு படையில்
புகார் செய்தார். அந்த புகாரின் அடிப்படையில் ஊழல் தடுப்பு படை
அதிகாரிகள் புகார் கொடுத்தவருக்கு சில அறிவுரைகளை கூறினர்.

அதன்படி, கிராம மக்கள் சார்பில் நேற்று முன்தினம் புகார்தாரர்
ரூ.8 ஆயிரத்தை லஞ்சமாக உதவி செயற்பொறியாளர் ரவீசிடம்
கொடுத்தார். அந்த பணத்தை அவர் வாங்கிக் கொண்டார். அப்போது
அங்கு மறைந்து இருந்த ஊழல் தடுப்பு படை அதிகாரிகள் ரவீசை
கையும், களவுமாக பிடித்து கைது செய்தனர்.
மேலும், அவரிடம் இருந்த ரூ.8 ஆயிரம் பறிமுதல் செய்யப்பட்டது.
-
---------------------------------------
தினத்தந்தி

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

ரூ.8 ஆயிரம் லஞ்சம் வாங்கிய மின்வாரிய உதவி செயற்பொறியாளர் கைது

ரூ.8 ஆயிரம் லஞ்சம் வாங்கிய மின்வாரிய உதவி செயற்பொறியாளர் கைது

Re: ரூ.8 ஆயிரம் லஞ்சம் வாங்கிய மின்வாரிய உதவி செயற்பொறியாளர் கைது