[You must be registered and logged in to see this image.]
-


திருவள்ளூர் மாவட்டம் திருத்தணி முருகன் கோயிலில் இன்று காலை 
திருப்படி திருவிழா நடந்தது. இதையொட்டி ஒரு ஆண்டை குறிக்கும் 
வகையில் மலைக்கோயிலுக்கு செல்லும் 365 படிக்கட்டுகளில் பூ, மஞ்சள், 
குங்குமம் மற்றும் வெற்றிலை பாக்கு வைத்து, கற்பூரம் ஏற்றி தேங்காய் 
உடைத்து சிறப்பு பூஜைகள் நடத்தினர். 

முன்னதாக சரவணபொய்கை தெப்பக்குளம் அருகே உள்ள 
மலையடிவாரத்தில் இருந்து மலைக்கோயிலுக்கு செல்லும் திருப்படிக்
கட்டுகளில் இன்று காலை சிறப்பு பூஜை நடைபெற்றது.

கோயில் தக்கார் ஜெய்சங்கர் தலைமை தாங்கி தொடங்கி வைத்தார். 
இணை ஆணையர் சிவாஜி  வரவேற்றார். திருப்படிகளுக்கு கோயில் 
ஓதுவார்கள் மாலை அணிவித்து சிறப்பு பூஜைகள் செய்து, திருப்புகழ் 
பாடியபடி மலைக்கோயிலுக்கு சென்றனர். சிறப்பு விருந்தினராக 
அரக்கோணம் எம்பி கோ.அரி, திருத்தணி முன்னாள் நகர தலைவர்
 சவுந்தர்ராஜன், முன்னாள் ஒன்றியக்குழு தலைவர் வி.என்.கண்டிகை 
ரவி உட்பட பலர் கலந்து கொண்டனர். 

திருப்படி திருவிழாவை முன்னிட்டு தமிழகம் மற்றும் பல்வேறு 
மாநிலங்களில் இருந்து பக்தர்கள் வந்திருந்தனர். 

அவர்கள் திருப்புகழ் பாடியபடி திருப்படிக்கட்டுகளில் ஏறி மலைக்
கோயிலுக்கு சென்று முருகனை வழிபட்டனர். முருகனுக்கு சிறப்பு 
அபிஷேகம் நடைபெற்றது. பகல் 11 மணியளவில் மலைக்கோயிலில் 
இருந்து வெள்ளி மயில் வாகனத்தில் வள்ளி, தெய்வானை சமேதராக 
சுப்பிரமணிய சுவாமி உற்சவர் வீதியுலா வந்து பக்தர்களுக்கு 
காட்சியளித்தார்.

 நாளை ஆங்கில புத்தாண்டு பிறப்பை முன்னிட்டு, திருத்தணி முருகன் 
கோயிலில் இன்று நள்ளிரவு முதல் நாளை இரவு வரை மூலவர், உற்சவர்
மற்றும் அனைத்து சன்னதிகளிலும் சிறப்பு அலங்காரம் மற்றும் 
அபிஷேகங்கள் நடைபெறுகிறது. 
-
-----------------------------------------
தினகரன்