ஜெயலலிதா மரணம் தொடர்பான வழக்கு: புதிய மனுக்கள் மீது 9 -ஆம் தேதி விசாரணை

by **அ.இராமநாதன்** Thu Jan 05, 2017 10:58 am

ஜெயலலிதாவின் மரணம் குறித்து விசாரிக்க மருத்துவ நிபுணர்கள்,
சிபிஐ அடங்கிய குழுவை அமைக்கக் கோரி தாக்கல் செய்த புதிய
மனுக்கள் மீதான விசாரணையை, வரும் 9-ஆம் தேதிக்கு சென்னை
உயர் நீதிமன்றம் ஒத்திவைத்துள்ளது.
-
உடல் நலக்குறைவு காரணமாக, சென்னை அப்பல்லோ மருத்துவமனையில்
அனுமதிக்கப்பட்ட முதல்வர் ஜெயலலிதா, கடந்த மாதம் 5 -ஆம் தேதி
மரணமடைந்தார்.
-
அவரது மரணத்தில் சந்தேகம் உள்ளதால், உச்ச நீதிமன்ற ஓய்வுபெற்ற நீதிபதிகள்
3 பேர் அடங்கிய குழுவை அமைத்து விசாரணை நடத்த வேண்டும் என, சென்னை
அரும்பாக்கத்தைச் சேர்ந்த அதிமுக பிரமுகர் பி.ஏ.ஜோசப் என்பவர் ஏற்கெனவே
மனுத் தாக்கல் செய்து இருந்தார்.
-
இந்த மனுவை விடுமுறை கால நீதிமன்ற நீதிபதி எஸ்.வைத்தியநாதன்
தலைமையிலான அமர்வு விசாரித்தது. அப்போது, "தனிப்பட்ட முறையில் தனக்கும்
சந்தேகம் இருப்பதாகவும், மறைந்த முதல்வரின் மரணம் குறித்த உண்மையை
வெளிக் கொண்டு வர அவரது உடலை தோண்டி எடுக்க வேண்டுமா' என கேள்வி
எழுப்பியதோடு, மத்திய, மாநில அரசுகளுக்கு நோட்டீஸ் அனுப்ப உத்தரவிட்டு
வழக்கை ஜனவரி 9 -ஆம் தேதிக்கு ஒத்திவைத்தது.
-
இந்த நிலையில், நாகை மாவட்டம் செம்பனார்கோவிலைச் சேர்ந்த அதிமுக
பிரமுகர் ஞானசேகரன் என்பவர் தாக்கல் செய்த மனுவில்," கடந்த 2 ஆண்டுகளாக,
வழங்கப்பட்ட சிகிச்சை விவரங்களை பெறுவதற்கான முழு அதிகாரத்தையும்
விசாரணை குழுவுக்கு வழங்க வேண்டும்.
-
செப்டம்பர் 22 முதல் டிசம்பர் 5 வரை ஜெயலலிதாவுக்கு அளிக்கப்பட்ட சிகிச்சைகள்
குறித்த அனைத்து மருத்துவ ஆதாரங்களையும், எய்ம்ஸ், அப்பல்லோ மருத்துவ
மனை நிர்வாகம் மூடி முத்திரையிட்ட உறையில் நீதிமன்றத்தில் தாக்கல் செய்ய
உத்தரவிட வேண்டும்' என்றும் கோரியிருந்தார்.
-
இந்த மனு தலைமை நீதிபதி எஸ்.கே.கௌல், எம்.சுந்தர் ஆகியோர் அடங்கிய முதல்
அமர்வு முன்பு புதன்கிழமை விசாரணைக்கு வந்தது. அப்போது, ஏற்கெனவே தாக்கல்
செய்யப்பட்ட வழக்குடன் சேர்த்து வரும் 9 -ஆம் தேதி இந்த மனுவும் விசாரணைக்கு
எடுத்துக் கொள்ளப்படும் என நீதிபதிகள் தெரிவித்தனர்.
-
இதேபோன்று, சிபிஐ உள்ளிட்ட அமைப்புகள் அடங்கிய சிறப்பு புலனாய்வுக் குழுவை
அமைத்து விசாரிக்கவும், அவரது உடலை பாதுகாக்க கோரியும் சமூக ஆர்வலர்
டிராஃபிக் ராமசாமி தொடர்ந்த வழக்கும் ஜனவரி 9 -ஆம் தேதி விசாரணைக்கு எடுத்து
கொள்ளப்படும் எனக் கூறி, விசாரணையை நீதிபதிகள் ஒத்திவைத்தனர்.
-
--------------------------------------------------
தினமணி

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

ஜெயலலிதா மரணம் தொடர்பான வழக்கு: புதிய மனுக்கள் மீது 9 -ஆம் தேதி விசாரணை

ஜெயலலிதா மரணம் தொடர்பான வழக்கு: புதிய மனுக்கள் மீது 9 -ஆம் தேதி விசாரணை