மிஸ்டர் சாத்தான்

by **அ.இராமநாதன்** Sat Feb 04, 2017 8:59 pm

-
ஒரு கோப்பை மதுவில் போதை
இல்லையென
சாத்தானுக்கு முன் மண்டியிட்டு
இறைஞ்சுகிறான் கிழவன்
போதை தலைக்கேறி மது போத்தலை
சாத்தானின் மண்டையில் உடைக்கிறான்
யுவன்
மிருதுவான போதையில் சாத்தானுக்கு
முத்தமிடுகிறாள் யுவதி
–
சாத்தான்
நெகிழ்ந்து பயந்து மயங்கிச் சரிகிறார்
சாத்தானின் முகத்தில் மது தெளித்து
தெளிய வைக்கிறார்கள்
–
அன்றிலிருந்து சாத்தானாக,
தான் வாழத் தகுதியற்று திரிந்து
தன்னை
மீட்டெடுக்கும் யுக்தியைத் தேடுகிறார்
தேடித் தேடி
ஓர் இரவில் மூன்று பெண்களுடன்
உல்லாசமாக இருந்த சாத்தான்
பரிபூரணத்தையும்
அரைகுறையையும்
ஏமாற்றத்தையும் வழங்குகிறார்
–
ஏமாற்றமடைந்த பெண் காறி உமிழ்கிறாள்
பீப் சப்தத்தில் சாபமிடுகிறாள்
அவமானம் தாங்காமல்
தற்கொலைக்கு முயற்சிக்கிறார் சாத்தான்
ஆதலால் காவல் துறை கைது செய்கிறது
–
சிறைச்சாலையில்
வெண் பன்றிகளை மேய்க்கும் பணியில்
ஒவ்வொரு பன்றியின் இடுப்பிலும்
நீல நிறத்தில் ‘சோல்ட்’ என்றிருப்பதை
கண்ணுற்றதால்
சாத்தான் வேகமாக கழிவறைக்குச் சென்று
உள்ளாடையைத் தளர்த்திப் பார்க்கிறார்
–
நல்லவேளை தான் இன்னும்
சோல்ட் இல்லை
மேலும்
புதிதாக வாழ்வதற்கான காரணத்தை
அறிந்து விட்டதாகக் கூறுகிறார்
அன்றிலிருந்து தனது பெயரை
மிஸ்டர் என்று வைத்துக் கொண்டார்
–
——————————–
-பாலைவன லாந்தர்
குங்குமம்

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

மிஸ்டர் சாத்தான்

மிஸ்டர் சாத்தான்