உலக கோப்பை துப்பாக்கி சுடுதல்

by **அ.இராமநாதன்** Wed Mar 01, 2017 10:10 pm

[You must be registered and logged in to see this image.]

-

புதுடெல்லி,

உலக கோப்பை துப்பாக்கி சுடுதல் போட்டியில் நேற்று
இந்திய வீரர் ஜிதுராய் வெண்கலப்பதக்கம் வென்றார்.
இது இந்தியா பெற்ற 4–வது பதக்கமாகும்.

உலக கோப்பை துப்பாக்கி சுடுதல்
உலக கோப்பை துப்பாக்கி சுடுதல் போட்டி டெல்லியில் நடந்து
வருகிறது. இதில் நேற்று நடந்த ஆண்களுக்கான 10 மீட்டர்
ஏர்பிஸ்டல் பந்தயத்தில் 35 பேர் கலந்து கொண்டனர்.

தகுதி சுற்று முடிவில் வியட்நாம் வீரர் சுயாங் வின் ஹோயாங்,
சீன வீரர்கள் கிபெங் பு, வெய் யாங், ஜப்பான் வீரர்
தோமோயுகி மட்சுடா, சீன வீரர் ஜான்யி சு, இந்திய வீரர்
ஜிதுராய் உள்பட 8 பேர் இறுதிப்போட்டிக்குள் நுழைந்தனர்.

ஜிதுராய்க்கு வெண்கலம்
இறுதிப்போட்டியில் இலக்கை நோக்கி குறிதவறாமல் சுட்ட
2010–ம் ஆண்டு உலக சாம்பியனான ஜப்பான் வீரர்
தோமோயுகி மட்சுடா 240.1 புள்ளிகள் குவித்து புதிய உலக
சாதனையுடன் தங்கப்பதக்கத்தை தனதாக்கினார்.

ரியோ ஒலிம்பிக் சாம்பியனான வியட்நாமின்
சுயாங் வின் ஹோயாங் 236.6 புள்ளிகள் எடுத்து வெள்ளிப்
பதக்கத்தை வென்றார்.

உள்ளூர் ரசிகர்களின் பலத்த ஆதரவுடன் அபாரமாக செயல்பட்ட
29 வயதான இந்திய ராணுவ வீரர் ஜிதுராய் இறுதிப்போட்டியில்
216.7 புள்ளிகள் குவித்து 6–வது இடத்தில் இருந்து முன்னேறி
வெண்கலப்பதக்கத்தை கைப்பற்றினார்.

ஜிதுராய் நேற்று முன்தினம் நடந்த 10 மீட்டர் ஏர் பிஸ்டல் கலப்பு
அணிகள் பிரிவில் ஹீனாசித்துவுடன் இணைந்து தங்கப்பதக்கம்
வென்று இருந்தார் என்பது குறிப்பிடத்தக்கது.

ஜெயின்சிங் ஏமாற்றம்
இந்த போட்டியில் பங்கேற்ற இந்திய வீரர்கள் ஓம்கார்சிங்,
அமன்பிரீத்சிங் ஆகியோர் தகுதி சுற்றில் முறையே 14–வது
மற்றும் 19–வது இடத்தை பெற்று இறுதிப்போட்டிக்கு முன்னேற
முடியாமல் வெளியேறினார்கள்.

ஆண்களுக்கான 50 மீட்டர் ரைபிள் போட்டியில் (புரோன்)
இறுதி சுற்றில் இந்திய வீரர் ஜெயின்சிங் 141.9 புள்ளிகள் குவித்து
7–வது இடம் பிடித்து ஏமாற்றம் அளித்தார்.

4–வது பதக்கம்
இந்த போட்டியில் இந்தியா வென்ற 4–வது பதக்கம் இதுவாகும்.
10 மீட்டர் ஏர் ரைபிள் போட்டியில் இந்திய வீராங்கனை
பூஜா காட்கர் வெண்கலப்பதக்கமும், ஆண்களுக்கான டபுள் டிராப்
போட்டியில் இந்திய வீரர் அங்குர் மிட்டல் வெள்ளிப்பதக்கமும்,
10 மீட்டர் ஏர் பிஸ்டல் கலப்பு அணிகள் பிரிவில் இந்தியாவின்
ஜிதுராய்–ஹீனா சித்து இணை தங்கப்பதக்கமும் வென்று
இருந்தது.
---

-------------------------------------
தினத்தந்தி

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

உலக கோப்பை துப்பாக்கி சுடுதல்

உலக கோப்பை துப்பாக்கி சுடுதல்