பாடகி சுசித்ராவின் டுவிட்டரில் பிரபல நடிகர்-நடிகைகளின் அந்தரங்க புகைப்படங்கள் வெளியானதால் பரபரப்பு

by **அ.இராமநாதன்** Sat Mar 04, 2017 12:22 pm

[You must be registered and logged in to see this image.]
–
சென்னை,
பிரபல பின்னணிப்பாடகி சுசித்ரா. தமிழ், மலையாளம், தெலுங்கு மொழி திரைப்படங்களில் 100-க்கும் மேற்பட்ட பாடல்களை பாடியுள்ளார். மேலும், வானொலியில் நிகழ்ச்சி தொகுப்பாளராகவும் உள்ளார்.

நேற்று காலை சுசித்ராவின் டுவிட்டர் வலைத்தளத்தில் நடிகர் தனுஷ், நடிகை திரிஷா, இசையமைப்பாளர் அனிருத், நடிகை ஆண்ட்ரியா, ஹன்சிகா, டி.வி. நிகழ்ச்சி தொகுப்பாளர் டி.டி ஆகியோரின் அந்தரங்க புகைப்படங்கள் வெளியானது. இதனால் தமிழ்ப்பட உலக பிரபலங்கள் அதிர்ச்சி அடைந்தனர்.

இதுகுறித்து விளக்கம் தெரிவித்துள்ள சுசித்ரா “மர்மநபரால் எனது டுவிட்டர் வலைத்தளம் முடக்கப்பட்டது. நடிகர்களின் புகைப்படங்கள் என்னிடம் ஏதும் இல்லை. நான் இப்படி இழிவுபடுத்தும் ஆள் கிடையாது” என கூறியுள்ளார்.

மேலும், “இதுபற்றி நான் போலீசாரிடம் புகார் கொடுக்கப் போவது இல்லை. இதற்கு முன்பும் எனது டுவிட்டர் வலைத்தளம் முடக்கப்பட்டது. என்னை வெறுப்பவர்கள் தயவு செய்து பின் தொடர வேண்டாம். என்னால் யாருக்கும் தொந்தரவு வேண்டாம். என்னை உண்மையாக பின் தொடர்பவர்களிடம் நான் மன்னிப்பு கேட்டுக் கொள்கிறேன்.

என் மீது நம்பிக்கை வையுங்கள். நாம் இதை வென்று காட்டுவோம்” எனவும் தெரிவித்துள்ளார். கடந்த மாதம் 20-ந் தேதி சுசித்ராவின் டுவிட்டர் வலைத்தளத்தில் காயம் அடைந்த அவரது கையின் புகைப்படம் வெளியிடப்பட்டு நடிகர் தனுஷ் குழுவினரால் தாக்கப்பட்டது என தெரிவிக்கப்பட்டு இருந்தது சர்ச்சையை ஏற்படுத்தியது. அப்போதும் அதற்கு மறுப்பு தெரிவித்த சுசித்ரா தனது டுவிட்டர் வலைத்தளம் முடக்கப்பட்டது எனவும் ஒரு விளையாட்டில், ஒரு குழுவினரால் என் கையில் காயம் ஏற்பட்டது எனவும் விளக்கம் அளித்து இருந்தது குறிப்பிடத்தக்கது,
–
தினத்தந்தி

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

பாடகி சுசித்ராவின் டுவிட்டரில் பிரபல நடிகர்-நடிகைகளின் அந்தரங்க புகைப்படங்கள் வெளியானதால் பரபரப்பு

பாடகி சுசித்ராவின் டுவிட்டரில் பிரபல நடிகர்-நடிகைகளின் அந்தரங்க புகைப்படங்கள் வெளியானதால் பரபரப்பு