இஸ்ரோவின் பெண் விஞ்ஞானிகள்!

by **அ.இராமநாதன்** Sun Mar 05, 2017 11:56 pm

பி.எஸ்.எல்.வி – சி 37 ராக்கெட்டில் ஒரே சமயத்தில்
104 செயற்கைக் கோள்களைப் பொருத்தி தீர்மானிக்கப்பட்ட
விண்வெளிப் பாதையில் நிலை நிறுத்திய இந்தியாவின்
விண்வெளி ஆராய்ச்சி கழகமான இஸ்ரோவின் இந்த
விண்வெளிப் பாய்ச்சலை பாராட்டாதவர்கள் யாருமில்லை.
–
முனைவர் கே.சிவன், எஸ்.சோம்நாத், பி.உன்னிகிருஷ்ணன்,
தபன் மிஸ்ரா, முனைவர் எம். அண்ணாதுரை முதலானோரின்
மேற்பார்வையில் பி.எஸ்.எல்.வி – சி 37 ஏவப்பட்டாலும்,
இந்த புதிய உலக சாதனையில் ஐந்து முக்கியப் பெண்
விஞ்ஞானிகளின் பங்களிப்பும் உள்ளது.
–
ராக்கெட் மகளிராக மாறியிருக்கும் அந்தப் பெண் விஞ்ஞானிகள்
இவர்கள்தான்.
–
இஸ்ரோவின் பெண் விஞ்ஞானிகள்! V1

மினல்:
செவ்வாய் பயணத்திலும் இவரது பங்களிப்பு உண்டு.
“இது ஒரு டீம் ஒர்க். குழுவில் இடம் பெற்ற அனைவருக்கும் ஒரு
புரிதல் இருந்தது. ஒரே அலைவரிசையில் சிந்தித்தோம்..
உழைத்தோம்.. அதனால் திட்டமிட்ட காலத்திற்குள் எல்லா
வேலைகளையும் வெற்றிகரமாக முடிக்க முடிந்தது” என்கிறார்
மினல்.
–
இஸ்ரோவின் பெண் விஞ்ஞானிகள்! V2

அனுராதா:
–
நீல் ஆர்ம்ஸ்ட்ராங் முதன் முதலாக நிலவில் பாதம் பதித்த போது
அதிசயம் ஆச்சரியத்தில் சிலிர்த்துப் போன அனுராதா
விண்வெளி விஞ்ஞானி ஆக வேண்டும் என்று தீர்மானித்து
அதை நடத்தியும் காட்டியவர். செவ்வாய் பயணத் திட்டத்தில்
இவரும் பணியாற்றியுள்ளார். இஸ்ரோவின் மூத்த பெண் விஞ்ஞானி.
–
இஸ்ரோவின் பெண் விஞ்ஞானிகள்! V3

ரிது கரிதால் :
–
சிறு வயதில் இரவு நேரத்தில் மொட்டை மாடியில் நின்று
நட்சத்திரங்களை எண்ண ஆரம்பித்த ஆர்வத்துடன் பாடப்
புத்தகங்களையும் படித்தவர் ரிது கரிதால். குடும்ப வாழ்க்கை
விண்வெளி ஆராய்ச்சிக்கு இடையூறாகாமல் பார்த்துக் கொண்டவர்.
விண்வெளி புதிர்கள் என்னை ரொம்பவும் ஈர்த்தன… நான் வர
வேண்டிய தளமும் அதுதான் என்பதையும் நான் புரிந்து
கொண்டிருந்தேன்.. என்கிறார் ரிது கரிதால்.
–

by **அ.இராமநாதன்** Sun Mar 05, 2017 11:57 pm

இஸ்ரோவின் பெண் விஞ்ஞானிகள்! Moumitadatta_1487311702

---
மெளமிதா தத்தா :
–
இஸ்ரோவின் சந்திராயன் ஆய்வு குறித்து பத்திரிகையில்
வாசித்த போது இந்த திட்டத்தில் பணியாற்றியவர்கள் எத்தனை
அதிர்ஷ்டம் செய்திருக்கணும்.. என்று உள்ளுக்குள் சின்னதாகப்
பொறாமைப் பட்டவர்தான் மெüமிதா தத்தா.
–
அப்போது தானும் இஸ்ரோவில் ஒரு விஞ்ஞானியாகச் சேர்வோம்..
செவ்வாய் கிரகப் பயணத்தில் பணிபுரிவோம் என்று மௌமிதா
நினைத்திருக்கவில்லை.
பி.எஸ்.எல்.வி – சி 37 திட்டத்திலும் இவரது பங்களிப்பு உண்டு.

by **அ.இராமநாதன்** Sun Mar 05, 2017 11:58 pm

இஸ்ரோவின் பெண் விஞ்ஞானிகள்! Nandini_1487312246_725x725

--
நந்தினி ஹரிநாத் :
–
இருபது ஆண்டுகளாக இஸ்ரோவில் பணி புரிந்து வருபவர்
நந்தினி ஹரிநாத்.
சின்ன வயதில் ஸ்டார் டிரெக் டிவி தொடர்களைப் பார்த்து
வளர்ந்தவர். அதே மாதிரியான பணியில் சேர்ந்த போது மனதுக்கும்
சந்தோஷம். “”விண்வெளிக்கு கோள்கள் அனுப்புவதில் உள்ள
பரவசம் ஆனந்தம்… விஞ்ஞானக் கதைகளை அடிப்படையாகக்
கொண்ட திரைப்படங்களைப் பார்ப்பதில் கிடைக்காது” என்கிறார்
நந்தினி.
–
—————————————————–
- அங்கவை

தினமணி

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

இஸ்ரோவின் பெண் விஞ்ஞானிகள்!

இஸ்ரோவின் பெண் விஞ்ஞானிகள்!

Re: இஸ்ரோவின் பெண் விஞ்ஞானிகள்!

Re: இஸ்ரோவின் பெண் விஞ்ஞானிகள்!

Re: இஸ்ரோவின் பெண் விஞ்ஞானிகள்!