பதன்கோட் விமான தள பகுதியில் மர்ம மனிதர்கள் நடமாட்டமா?

by **அ.இராமநாதன்** Wed Mar 15, 2017 7:47 am

பதன்கோட்,

பதன்கோட் விமான தள பகுதியில் மர்ம மனிதர்கள்
நடமாட்டம் உள்ளதாக உளவுத்துறை எச்சரிக்கை விடுத்ததை
தொடர்ந்து, அங்கு ராணுவமும், போலீசாரும் தேடுதல் வேட்டை
நடத்தி வருகிறார்கள்.

பயங்கரவாத தாக்குதல்

பஞ்சாப் மாநிலம் பதன்கோட் பகுதியில் இந்திய விமானப்படை
தளம் உள்ளது. கடந்த ஆண்டு ஜனவரி 1-ந் தேதி நள்ளிரவு,
பாகிஸ்தான் பயங்கரவாதிகள் எல்லை தாண்டி வந்து, அந்த
தளத்துக்குள் புகுந்து தாக்குதல் நடத்தினர்.

பாதுகாப்பு படையினர் பதில் தாக்குதல் நடத்தினர்.
இந்த சண்டையில், 7 பாதுகாப்பு படையினர் பலியானார்கள்.
தாக்குதல் நடத்திய 4 பயங்கரவாதிகளும் சுட்டு வீழ்த்தப்பட்டனர்.

மர்ம மனிதர்கள்

இந்நிலையில், பதன்கோட் விமான தள பகுதியில் மர்ம மனிதர்கள்
நடமாட்டம் உள்ளதாக உளவுத்துறை நேற்று எச்சரிக்கை விடுத்தது.

இதையடுத்து, பதன்கோட் விமான தள பகுதி அதிகபட்ச உஷார்
நிலையில் வைக்கப்பட்டது. முன்எச்சரிக்கை நடவடிக்கையாக,
விமான தளத்திலும், அதை சுற்றியுள்ள கிராமங்களிலும் தேடுதல்
வேட்டை முடுக்கி விடப்பட்டது.

ராணுவம்

இதில், ராணுவமும், விமானப்படையும், பஞ்சாப் மற்றும் இமாசல
பிரதேச போலீசாரும் ஈடுபடுத்தப்பட்ட னர். 500-க்கும் மேற்பட் டோர்
ரோந்து சுற்றி வருகிறார்கள்.

சந்தேகத்துக்கிடமான செயல்பாடுகளை தடுக்க விரைவு
அதிரடிப்படையினரும் பணியில் ஈடுபடுத்தப்பட்டு உள்ளனர்.

இதுதவிர, ஹெலிகாப்டர்கள் மூலமும் கண் காணிப்பு பணி நடந்து
வருகிறது.
-
------------------------------------
தினத்தந்தி

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

பதன்கோட் விமான தள பகுதியில் மர்ம மனிதர்கள் நடமாட்டமா?

பதன்கோட் விமான தள பகுதியில் மர்ம மனிதர்கள் நடமாட்டமா?