விழுப்புரம் அருகே விளை நிலத்தில் மேய்ந்ததால் விஷம் வைத்து 30 மயில்கள் சாகடிப்பு

by **அ.இராமநாதன்** Tue Mar 21, 2017 9:36 am

[You must be registered and logged in to see this image.]
-
வானூர் :
விளை நிலத்தில் மேய்ந்து வந்ததால் விழுப்புரம் மாவட்டம்
வானூர் அருகே 30 மயில்கள் விஷம் வைத்து கொல்லப்
பட்டுள்ளன.

விழுப்புரம் மாவட்டம் ஆரோவில் மற்றும் மயிலம் பகுதிகளில்
ஏராளமான மயில்கள் உள்ளன. அவைகள் இரை தேடி
விவசாய நிலங்களுக்கு செல்லத் தொடங்கின.

வானூர் ரங்கநாதபுரம், தொள்ளமூர், கொண்டலாம்குப்பம்,
புதுவை மாநிலம் சந்தைபுதுக்குப்பம் ஆகிய பகுதிகளில் விளை
நிலங்களில் மயில்கள் கூட்டம், கூட்டமாக மேய்ந்தன.

ஒரே இடத்தில் அதிகமாக இருப்பதால் விவசாய பயிர்களை
சேதப்படுத்துவதாக அப்பகுதி விவசாயிகள் புகார்
தெரிவித்திருந்தனர்.

இந்நிலையில், வானூர் தாலுகா கொண்டலாம்குப்பம் தொள்ளமூர்
சாலையில் விவசாய நில பகுதியில் ஒரே இடத்தில் 30க்கும்
மேற்பட்ட மயில்கள் நேற்று இறந்து கிடந்தன.

நேற்று காலை அப்பகுதிக்கு சென்ற இளைஞர்கள் மயில்கள்
இறந்து கிடப்பதை பார்த்து வானூர் காவல் நிலையத்துக்கும்,
திண்டிவனம் வன அலுவலருக்கும் தகவல் தெரிவித்தனர்.

திண்டிவனம் வனத்துறையினர் சென்று விசாரணை
மேற்கொண்டுள்ளனர். நெமிலி அரசு கால்நடை மருத்துவர்
புருஷோத்தமனும் சம்பவ இடத்திற்கு சென்று ஆய்வு நடத்தினார்.

மேலும் மயில்களின் உடல்கள் பிரேத பரிசோதனைக்காக
எடுத்து செல்லப்பட்டுள்ளது. பிரேத பரிசோதனையின் முடிவுக்கு
பின்னரே மயில்களின் இறப்பு குறித்து தெளிவான முடிவுக்கு
வரமுடியும் என கூறப்படுகிறது.
-
வானூர் போலீசார் நடத்திய முதற்கட்ட விசாரணையில்,
மயில்கள் விஷம் வைத்து கொல்லப்பட்டிருப்பது
தெரியவந்துள்ளது.
-

-------------------------------------------
தினகரன்

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

விழுப்புரம் அருகே விளை நிலத்தில் மேய்ந்ததால் விஷம் வைத்து 30 மயில்கள் சாகடிப்பு

விழுப்புரம் அருகே விளை நிலத்தில் மேய்ந்ததால் விஷம் வைத்து 30 மயில்கள் சாகடிப்பு