ஐநாவின் அமைதி தூதரானார் மலாலா

by **அ.இராமநாதன்** Thu Apr 13, 2017 3:20 pm

[You must be registered and logged in to see this image.]

ஐக்கியநாடுகள்:
பெண் கல்விக்காக போராடி வரும் பாகிஸ்தானை சேர்ந்த
மலாலா, ஐநா சபையின் அமைதிக்கான இளைய தூதராக
நியமிக்கப்பட்டுள்ளார்.

பாகிஸ்தானை சேர்ந்த சிறுமி மலாலா, தலிபான்கள்
கொடுமைக்கு எதிராக குரல் கொடுத்து சர்வதேச சமூகத்தின்
கவனத்தை ஈர்த்தவர். இதற்காக கடந்த 2012ம் ஆண்டு
தலிபான்களால் அவர் சுடப்பட்டார். அதில் இருந்து உயிர்
பிழைத்து வந்த அவருக்கு 2014ம் ஆண்டு அமைதிக்கான
நோபல் பரிசு வழங்கப்பட்டது.

இந்நிலையில், தற்போது மலாலாவை, அமைதிக்கான இளம்
தூதராக ஐ.நா. சபை அவரை நியமித்துள்ளது. பிரிட்டனில்
கல்வி பயின்று வரும் மலாலா(19) நியூயார்க்கில் நடந்த
விழாவில் பங்கேற்று அதற்கான சான்றிதழை பெற்றுக்
கொண்டார்.

மிக இளம் வயதில் மலாலா ஐநாவின் அமைதி தூதராகி
உள்ளது குறிப்பிடத்தக்கது. அமைதி தூதரான மலாலா விழாவில்
கூறுகையில், “ஆண்கள், அப்பாக்கள், அண்ணன்களின் பங்கு
மிக முக்கியமானது. என்னை போன்று ஏராளமான பெண்கள்
பேச விரும்புகின்றனர்.

ஆனால் அவர்களது அப்பாக்களும், அண்ணன்களும்
அனுமதிப்பதில்லை. அவர்கள் முன்னேறி செல்வதற்கு
அனுமதியுங்கள். சகோதரிகளே உங்களது எதிர்காலத்தை
பிரகாசமானதாக பார்க்க விரும்புகிறீர்களா? இப்போது இருந்தே
அதற்காக வேலை செய்ய தொடங்குங்கள். யாருக்காகவும்
காத்திருக்காதீர்கள்” என்றார்.
-
---------------------------------
தினகரன்

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

ஐநாவின் அமைதி தூதரானார் மலாலா

ஐநாவின் அமைதி தூதரானார் மலாலா