மதுரவாயல் பறக்கும் மேம்பாலம் திட்டத்துக்கு தமிழக அரசு தடையில்லா சான்றிதழ் வழங்கியது :

by **அ.இராமநாதன்** Wed May 24, 2017 8:58 am

[You must be registered and logged in to see this image.]

சென்னை :
சென்னை துறைமுகம்-மதுரவாயல் பறக்கும் மேம்பாலம்
திட்டத்தை மீண்டும் செயல்படுத்த தமிழக அரசு தடையில்லா
சான்றிதழ் வழங்கி உள்ளது. நாட்டின் 12 முக்கிய பெரும்

துறைமுகங்களில் சென்னை துறைமுகமும் ஒன்று.
100 ஆண்டுகள் பழைமை வாய்ந்த இத்துறைமுகம் சரக்கு
போக்குவரத்தில் முதன்மையாக விளங்கியது.

நகரமயமாதலால் துறைமுகத்தின் வளர்ச்சியில் பின்னடைவு
ஏற்பட்டது. துறைமுகத்துக்கு அதிக வருவாய் ஈட்டி கொடுத்த
நிலக்கரி இறக்குமதிக்கு ஐகோர்ட் திடீர் தடை விதித்தது.

அதேசமயம், நாளுக்கு நாள் போக்குவரத்து நெரிசலும் ஏற்பட்டு
துறைமுகத்துக்கு சிக்கல் அதிகரித்தது. கடந்த 7 ஆண்டுகளாக
சென்னை துறைமுகம் தொடர் நஷ்டத்தை சந்தித்து வருகிறது.

போக்குவரத்து நெருக்கடியை குறைக்க, மதுரவாயல்-சென்னை
துறைமுகம் வரை 18.3 கி.மீ நீளத்துக்கு சுமார் ரூ.1,850 கோடியில்
பறக்கும் சாலை அமைக்கும் திட்டம் 2006ம் ஆண்டு அப்போதைய
முதல்வர் கருணாநிதியால் கொண்டுவரப்பட்டது.

2007ல் அப்போதைய பிரதமர் மன்மோகன் சிங் இத்திட்டத்துக்கு
அடிக்கல் நாட்டினார்.

ஆனால் 2011ல் ஆட்சிக்கு வந்த ஜெயலலிதா தலைமையிலான
அதிமுக அரசு, திடீரென திட்டத்தை ரத்து செய்தது.

அதிமுக அரசின் வீண் பிடிவாதத்தால், நாளுக்கு நாள் போக்குவரத்து
நெரிசல் அதிகரித்தது. ஜெயலலிதா முதல்வராக இருந்தபோது,
திட்டத்தை எப்படியாவது மீண்டும் நிறைவேற்ற மத்திய கப்பல்
போக்குவரத்து இணை அமைச்சர் பொன்.ராதாகிருஷ்ணன் மற்றும்
அதிகாரிகள் பலமுறை அவரை தொடர்பு கொண்டனர்.

எந்த பலனும் இல்லை. ஜெயலலிதா மறைவுக்குப் பின் அவர் மறுத்து
வந்த பல மத்திய திட்டங்களுக்கு தமிழக அரசு அனுமதி அளித்தது.
அந்த வகையில், மதுரவாயல் பறக்கும் சாலை திட்டத்தை மீண்டும்
நிறைவேற்ற தமிழக அரசு சம்மதம் தெரிவித்தது.

இதனால் மதுரவாயல் திட்டம் புத்துயிர் பெற்றது. அதிகாரிகளும்
மகிழ்ச்சி அடைந்தனர். கடந்த டிசம்பர் மாதம் அமைச்சர்
பொன்.ராதாகிருஷ்ணன் முதல்கட்ட ஆய்வு நடத்தினார். தொடர்ந்து,
இதுதொடர்பாக தொழில்நுட்ப குழு அமைக்கப்பட்டது. இந்த நிலையில்,
மதுரவாயல் பறக்கும் சாலை திட்டத்தை மீண்டும் செயல்படுத்த
தமிழக அரசு தற்போது தடையில்லா சான்றிதழ் வழங்கி உள்ளதாக
தகவல் வெளியாகி உள்ளது.

இதுகுறித்து அதிகாரி ஒருவரிடம் கேட்டபோது,
‘’இத்திட்டம் தொடர்பாக தமிழக அரசு சார்பில் சில பரிந்துரைகள்
மத்திய அரசுக்கு அனுப்பப்பட்டன. அதுகுறித்து தேசிய
நெடுஞ்சாலைத்துறை அதிகாரிகள் ஆலோசித்தனர். கடந்த வாரம்
டெல்லியில் இருந்து வந்த சில அதிகாரிகள், தமிழக அதிகாரிகளுடன்
ஆலோசனை நடத்தினர்.

இறுதியாக தமிழக அரசின் பெரும்பாலான பரிந்துரையை மத்திய
அரசு ஏற்றுக்கொண்டது. இதையடுத்து தமிழக அரசு திட்டத்துக்கு
முழு அனுமதி அளித்து தற்போது தடையில்லா சான்றிதழ் வழங்கி
உள்ளது.

தொடர்ந்து, டெண்டர் விடுவதற்கான நடவடிக்கைகள் மேற்
கொள்ளப்படும்’’என்றார்.
-
-------------------------------
தினகரன்

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

மதுரவாயல் பறக்கும் மேம்பாலம் திட்டத்துக்கு தமிழக அரசு தடையில்லா சான்றிதழ் வழங்கியது :

மதுரவாயல் பறக்கும் மேம்பாலம் திட்டத்துக்கு தமிழக அரசு தடையில்லா சான்றிதழ் வழங்கியது :