வங்கக் கடலில் காற்று சுழற்சி தமிழகத்தில் இடியுடன் மழைக்கு வாய்ப்பு

by **அ.இராமநாதன்** Fri May 26, 2017 7:18 am

[You must be registered and logged in to see this image.]

சென்னை :
தமிழகத்தில் சில இடங்களில் இன்று இடியுடன் கூடிய
மழை பெய்யும் என்று சென்னை வானிலை ஆய்வு மையம்
தெரிவித்துள்ளது.

அக்னி நட்சத்திரம் என்னும் கத்திரி வெயில் இறுதிக் கட்டத்தை
எட்டியுள்ள நிலையில், கடல்பகுதியில் இருந்து ஈரப்பதம்
உள்ள காற்று வீசத் தொடங்கியுள்ளது.

மேலும் வெப்ப சலனம் காரணமாக வளி மண்டல மேலடுக்கில்
காற்று சுழற்சி உருவாகியுள்ளது. அதனால் தமிழகத்தில் சில
இடங்களில் மழை பெய்துள்ளது. அதிகபட்சமாக,

வில்லிபுத்தூரில் 50 மிமீ மழை பெய்துள்ளது. முதுகுளத்தூர்,
கோவில்பட்டி, சங்கரன்கோயில் 40 மிமீ, ராஜபாளையம்,
கழுகுமலை, ஒசூர், நடுவட்டம், கோபிசெட்டிப்பாளையம், மேட்டுப்பட்டி,
சிவகாசி 30 மிமீ, தளி, கோத்தகிரி, உதகமண்டலம்,
தேன்கனிக்கோட்டை 20 மிமீ, கொடைக்கானல், சத்தியமங்கலம்,
திருமங்கலம், வாழப்பாடி, திருப்பத்தூர், பென்னாகரம்,
வேலூர், வால்பாறை, பவானி, குன்னூர் 10 மிமீ மழை பெய்துள்ளது.

இருப்பினும், தமிழகத்தில் வெயில் பெரும்பாலான இடங்களில்
அதிக அளவில்தான் இருந்தது. திருத்தணியில் நேற்று 108 டிகிரி
வெயில் கொளுத்தியது. வேலூர் 106 டிகிரி, கரூர் பரமத்தி 104 டிகிரி,
காரைக்கால் 100 டிகிரி, கடலூர், நாகப்பட்டினம், புதுச்சேரி,
பாளையங்கோட்டை, பரங்கிப்பேட்டை, திருச்சி 102 டிகிரி வெயில்
நீடித்தது.

இதற்கிடையே, தெலங்கானாவில் இன்று அனல் காற்று வீசும்
என்பதால் தமிழகத்தின் வட மாவட்டங்களில் சில இடங்களில்
அனல் காற்று வீசும் என்று எதிர்பார்க்கப்படுகிறது.

மேலும், தமிழகத்தில் நிலவும் தொடர் வெயில் காரணமாக வெப்ப
சலனம் ஏற்பட்டு வங்கக் கடல் பகுதியில் வளி மண்டல மேலடுக்கில்
காற்று சுழற்சி ஏற்பட்டுள்ளது.

இது தமிழக கடலோரப் பகுதியில் புதுச்சேரி முதல் மன்னார் வளைகுடா
வரை பரவியுள்ளது. இதன் காரணமாக, தமிழகத்தில் இன்று சில
இடங்களில் மழை பெய்யும்.
-
-------------------------------------
தினகரன்

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

வங்கக் கடலில் காற்று சுழற்சி தமிழகத்தில் இடியுடன் மழைக்கு வாய்ப்பு

வங்கக் கடலில் காற்று சுழற்சி தமிழகத்தில் இடியுடன் மழைக்கு வாய்ப்பு