வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

feeds

போலீஸ் வதனம் - கவிதை

தமிழ்த்தோட்டம் :: கவிதைச் சோலை :: ரசித்த கவிதைகள்

Page 1 of 1

போலீஸ் வதனம் - கவிதை

by அ.இராமநாதன் Sat May 27, 2017 1:53 pm

நான்கு முனைச் சந்திப்பொன்றில்
ஒரு போலீஸ்காரரும் ஒரு குடியானவனும்
கிட்டத்தட்ட மோதிக்கொண்டனர்.
-
குடியானவன் வெவெலத்துப்போனான்
கண்டோர் திகைத்து நின்றனர்.
அடுத்த கணம் அறை விழும் சத்தத்திற்காய்
எல்லோரும் காத்திருக்க
அதிகாரி குடியானவனை நேர்நோக்கி
ஒரு சிரி சிரித்தார்.
-
அப்போது வானத்தில் தேவர்கள்
ஒன்று கூடும் ஓசை கேட்டது.
-
‘நகையணி வதனத்து ஒளிநறுங்கீற்றே!’ என
வாழ்த்தியது வானொலி.
-
போலீஸ் தன் சுடரை
ஒரு கந்துவட்டிக்காரனிடம்
பற்ற வைத்து விட்டுப் போனார்.
அவன்
ரோட்டோரம் கிடந்து பழம் விற்கும்
கிழிவியிடம் கந்து வசூலிக்க வந்தவன்.
-
கிழவி தலையைச் சொறிந்தபடியே
‘நாளைக்கு’ என்றாள்
ஓர் எழுத்துகூட ஏசாமல் தன் ஜொலிப்பை
அவளிடன் ஏற்றிவிட்டுப் போனான் அவன்.
-
அதில் பிரகாசித்துப் போன கிழவி
இரண்டு குட்டி ஆரஞ்சுகளைச் சேர்த்துப் போட்டாள்.

அவை ஒரு குப்பைக்காரியின் முந்தானையில் விழுந்தன.
எப்போதாவது ஆரஞ்சு தின்னும் அவளை
ஒரு பிச்சைக்கார சிறுமி வழிமறிக்க
அதிலொன்றை ஈந்துவிட்டுப் போனாள்.
-
சிறுமியின் காலடியில்
நாய்க்குட்டியொன்று வாலாட்டி மன்றாடியது.
-
அதிலொரு சுளையை எடுத்து
அவள் அதன் முன்னே எறிய
சொறிநாய்க்குட்டி
அந்த ‘ஒளிநறுங்கீற்றை’ லபக்கென்று விழுங்கியது!
-
----------------------------------
-இசை
நன்றி-விகடன்

அ.இராமநாதன்: நவரச நாயகன்; Posts : 31809
Points : 70033
Join date : 26/01/2011
Age : 80