காஷ்மீரில் ராணுவ வாகன அணிவகுப்பு மீது பயங்கரவாதிகள் தாக்குதல்

by **அ.இராமநாதன்** Sun Jun 04, 2017 12:10 pm

[You must be registered and logged in to see this image.]

ஸ்ரீநகர்,

காஷ்மீரில் ராணுவ வாகன அணிவகுப்பு மீது பயங்கரவாதிகள்
நடத்திய தாக்குதலில் 2 வீரர்கள் பரிதாபமாக உயிரிழந்தனர்.
மேலும் 4 பேர் காயமடைந்தனர்.

ராணுவ வாகன அணிவகுப்பு

காஷ்மீரில் செயல்பட்டு வரும் பல்வேறு அமைப்புகளை சேர்ந்த
பயங்கரவாதிகள், பாதுகாப்பு படையினரை குறிவைத்து அடிக்கடி
தாக்குதல்களை தொடுத்து வருகின்றனர்.

இதில் பெருத்த சேதம் விளைந்து வருகின்றன.
எனவே பயங்கரவாதிகளுக்கு எதிராக உள்ளூர் போலீசாருடன்
இணைந்து ராணுவமும் பாதுகாப்பு நடவடிக்கைகளை தீவிரப்படுத்தி
வருகிறது.

இந்த நிலையில் தெற்கு காஷ்மீரின் குல்காம் மாவட்டத்துக்கு
உட்பட்ட ஹாஜிகுண்ட் பகுதியில் நேற்று ராணுவ வீரர்களை
ஏற்றிக்கொண்டு வாகனங்கள் வரிசையாக சென்று கொண்டிருந்தன.

இந்த வாகன அணிவகுப்பு ஸ்ரீநகர்–ஜம்மு தேசிய நெடுஞ்சாலையில்
சென்று கொண்டிருந்தது.

திடீர் தாக்குதல்

கீழ் முண்டா சுங்கச்சாவடி அருகே சென்ற போது அங்கு மறைந்திருந்த
பயங்கரவாதிகள் சிலர் திடீரென ராணுவ வாகனங்களை நோக்கி
தாக்குதல் நடத்தினர். கையெறி குண்டுகளை வீசியும், துப்பாக்கியால்
சுட்டும் நடத்தப்பட்ட இந்த தாக்குதலால் அங்கு பெரும் பரபரப்பு
ஏற்பட்டது.

பயங்கரவாதிகளின் இந்த திடீர் தாக்குதலில் 6 வீரர்கள்
படுகாயமடைந்தனர். அவர்கள் அனைவரும் உடனடியாக மீட்கப்பட்டு
அருகில் உள்ள ராணுவ மருத்துவமனைக்கு கொண்டு செல்லப்பட்டனர்.

ஆனால் செல்லும் வழியில் ஒருவரும், மருத்துவமனையில் ஒருவருமாக
2 வீரர்கள் உயிரிழந்தனர். மீதமுள்ள 4 பேருக்கு தீவிர சிகிச்சை
அளிக்கப்பட்டு வருகிறது.

பயங்கரவாதிகள் தப்பி ஓட்டம்

இதற்கிடையே இந்த தாக்குதலால் அதிர்ச்சியடைந்த ராணுவ வீரர்கள்,
பின்னர் சுதாரித்துக்கொண்டு பயங்கரவாதிகளுக்கு பதிலடி கொடுத்தனர்.
எனினும் தாக்குதலில் ஈடுபட்ட பயங்கரவாதிகள் அங்கிருந்து தப்பி
ஓடிவிட்டனர். அவர்களை தேடும்பணிகள் முடுக்கி விடப்பட்டு உள்ளது.

இதற்காக அருகில் உள்ள முகாம்களில் இருந்து ஏராளமான வீரர்கள்
சம்பவ இடத்துக்கு அனுப்பி வைக்கப்பட்டு உள்ளனர்.
இந்த சம்பவத்தால் ஸ்ரீநகர்–ஜம்மு தேசிய நெடுஞ்சாலை சுமார் 1 மணி
நேரம் மூடப்பட்டது.
-
------------------------------
தினத்தந்தி

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

காஷ்மீரில் ராணுவ வாகன அணிவகுப்பு மீது பயங்கரவாதிகள் தாக்குதல்

காஷ்மீரில் ராணுவ வாகன அணிவகுப்பு மீது பயங்கரவாதிகள் தாக்குதல்