60 வயதில் காதல் திருமணம் வேலு பிரபாகரனை மணந்து கொண்டதில் மகிழ்ச்சி-நடிகை ஷெர்லிதாஸ்

by **அ.இராமநாதன்** Sun Jun 04, 2017 12:11 pm

[You must be registered and logged in to see this image.]

சினிமா டைரக்டர் வேலு பிரபாகரன் 60 வயதில்,
காதல் திருமணம் செய்து கொண்டார்.

35 வயதான நடிகை ஷெர்லிதாசை அவர் மணந்தார்.

வேலு பிரபாகரன்

நாளைய மனிதன், அதிசய மனிதன், ராஜாளி, கடவுள்,
புரட்சிக்காரன், காதல் அரங்கம் ஆகிய படங்களை டைரக்டு
செய்தவர், வேலு பிரபாகரன்.

இவர் டைரக்டு செய்துள்ள ‘ஒரு இயக்குனரின் காதல் டைரி’
என்ற புதிய படம் நேற்று முன்தினம் திரைக்கு வந்தது.

இந்த படத்தின் பத்திரிகையாளர் காட்சி, சென்னை
நுங்கம்பாக்கத்தில் உள்ள ஒரு ‘பிரிவியூ’ தியேட்டரில் நேற்று
காலை நடந்தது. அப்போது, ‘காதல் அரங்கம்’ படத்தில்
கதாநாயகியாக நடித்த ஷெர்லிதாஸ் திடீரென்று நிருபர்கள்
முன்பு தோன்றினார்.

திடீர் திருமணம்

ஷெர்லிதாசை, வேலு பிரபாகரன் நிருபர்கள் முன்னிலையில்
திடீர் திருமணம் செய்து கொண்டார். இருவரும் மோதிரம் மாற்றிக்
கொண்டார்கள். வேலு பிரபாகரன் 60 வயதை கடந்தவர். 60 வயதில்
திருமணம் செய்து கொண்டது பற்றி அவர் கூறியதாவது:-

“எனக்கு வாழ்க்கையில் ஒரு துணை தேவைப்பட்டது. உற்ற
துணையாக ஷெர்லிதாஸ் இருப்பார் என்று கருதுகிறேன்.
15 வருடங்களாக எனக்கு ஷெர்லிதாசை தெரியும். இருவரும்
வாழ்க்கையில் இணைவது என்று முடிவு செய்ததை தொடர்ந்து
இன்று திருமணம் செய்து கொண்டோம்.
விரைவில் எங்கள் திருமணத்தை பதிவு செய்வோம்.”

இவ்வாறு டைரக்டர் வேலு பிரபாகரன் கூறினார்.

ஷெர்லிதாஸ் பேட்டி

வேலு பிரபாகரனை மணந்த நடிகை ஷெர்லிதாஸ் கூறியதாவது:-

“எனக்கு 35 வயது ஆகிறது. வேலு பிரபாகரனை மணந்து கொண்டதில்
நான் மகிழ்ச்சி அடைகிறேன். அவர் ஒரு நேர்மையான மனிதர்.
பொய் பேச மாட்டார். ‘காதல் அரங்கம்’ படத்தில் நடித்து
முடித்ததும் நான் வெளிநாடு போய் விட்டேன்.

சமீபத்தில்தான் நான் சென்னை திரும்பினேன். வேலு பிரபாகரனை
சந்தித்தேன். இருவரும் விரும்பி திருமணம் செய்து கொள்வது
என்று முடிவு செய்தோம். இன்று திருமணம் செய்து கொண்டோம்.”

மேற்கண்டவாறு நடிகை ஷெர்லிதாஸ் கூறினார்.

2-வது திருமணம்

டைரக்டர் வேலு பிரபாகரன் ஏற்கனவே நடிகை ஜெயதேவியை
திருமணம் செய்தவர். இருவரும் சில வருடங்கள் சேர்ந்து வாழ்ந்தனர்.
பின்னர், இரண்டு பேரும் விவாகரத்து செய்து கொண்டார்கள்.

இத்தனை வருடங்களுக்குப்பின், 60 வயதில் இரண்டாவது திருமணம்
செய்து கொண்டது பற்றி வேலு பிரபாகரனிடம் கேட்டபோது,
அதுபற்றி பேச மறுத்து விட்டார்.
-
----------------------------------

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

60 வயதில் காதல் திருமணம் வேலு பிரபாகரனை மணந்து கொண்டதில் மகிழ்ச்சி-நடிகை ஷெர்லிதாஸ்

60 வயதில் காதல் திருமணம் வேலு பிரபாகரனை மணந்து கொண்டதில் மகிழ்ச்சி-நடிகை ஷெர்லிதாஸ்