வீட்டிற்கு திருப்பி அனுப்பினால் வேலைக்கு அனுப்பிடுவாங்க! : அரசு காப்பகத்தில் அனுமதி மறுக்கப்பட்ட மாணவியர் கண்ணீர்

by **அ.இராமநாதன்** Thu Jun 08, 2017 12:10 pm

மதுரை காந்திமியூசியம் அருகே சமூகநலத்துறையின்
அன்னை சத்யா நினைவு ஆதரவற்றோர் குழந்தைகள்
காப்பகத்தில் தங்க அனுமதி மறுத்ததை கண்டித்து,
பெற்றோருடன் மாணவியர் நேற்று போராட்டத்தில்
ஈடுபட்டனர்.

தந்தை, தாய் அல்லது இருவரையும் இழந்த ஆதரவற்ற
குழந்தைகள் இக்காப்பகத்தில் தங்கி மாநகராட்சி
காக்கைபாடினியார் பள்ளியில் படிக்கின்றனர். கடந்த க
ல்வியாண்டில் 150க்கும் மேற்பட்ட மாணவியர் தங்கி
பயின்றனர்.

இந்நிலையில், காப்பகத்தில் அடிப்படை வசதிகள் கோரி
உயர்நீதிமன்றம் மதுரை கிளையில் வழக்கு தொடரப்பட்டது.
விசாரித்த உயர்நீதிமன்றம், 'காப்பகத்தில் 35 பேர் மட்டுமே
தங்கி பயிலும் வகையில் வசதிகள் உள்ளன.
கூடுதலாக குழந்தைகளை தங்க வைக்கக்கூடாது,' என
உத்தரவிட்டது.

இந்நிலையில், நேற்று பள்ளிகள் திறந்ததையொட்டி மாணவியர்,
பெற்றோருடன் காப்பகத்திற்கு வந்தனர். ஆனால் நீதிமன்ற
உத்தரவை காட்டி காப்பக ஊழியர்கள், அதிக மதிப்பெண்
அடிப்படையில் 35 பேரை மட்டுமே தங்க அனுமதித்தனர்.

இதை கண்டித்து பெற்றோருடன் மாணவியர் காப்பக வளாகத்தில்
போராட்டத்தில் ஈடுபட்டனர்.

மாணவியர், 'சக மாணவியருடன் சேர்ந்து படிக்க ஆசையாக
உள்ளது. வீட்டிலிருந்து வந்து படிக்க இயலாது. வீட்டிற்கு
சென்றால் வேலையில் தான் சேர்த்து விடுவர்,' என கண்
கலங்கினர்.

டி.கல்லுப்பட்டி சுப்புலட்சுமி, ''என் கணவர் பரமசிவம்
4 ஆண்டுகளுக்கு முன் இறந்தார். மூன்று குழந்தைகள்
உள்ளனர். மகள் அம்சவள்ளி கடந்தாண்டு காப்பகத்தில் தங்கி
8ம் வகுப்பு படித்தார். இந்தாண்டு 9ம் வகுப்பு படிக்க வேண்டும்.

ஆனால் காப்பகத்தில் அனுமதி மறுக்கின்றனர். வீட்டிலிருந்து
படிக்க வைக்க வசதியில்லை,'' என்றார்.

பின் அவர்கள் சமூக
ஆர்வலர் செல்வகோமதி, மனநல ஆலோசகர் ராணி சக்கரவர்த்தி
தலைமையில் சென்று கலெக்டர் வீரராகவ ராவிடம் மனு
கொடுத்தனர்.

செல்வகோமதி, ''உயர்நீதிமன்றம் உத்தரவிட்டும் கூடுதல் குழந்தைகள்
தங்குமளவு காப்பகத்தில் வசதிகள் செய்யப்படவில்லை.
பொருளாதாரத்தில் பின்தங்கிய குழந்தைகளை அனுப்பினால்
அவர்களால்
படிப்பை தொடர முடியாது. இது அடிப்படை கல்வி உரிமையை
பறிப்பதாகும்,'' என்றார்.
-
-------------------------

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்