கண்டிஷன் – ஒரு பக்க கதை

by **அ.இராமநாதன்** Tue Jun 20, 2017 9:50 pm

தன் கிராமத்தில் தனக்கு வசதியான வீடும் அங்கிருந்து
சில கிலோ மீட்டர் தொலைவில் டூ வீலரில் போய் வரும்
வகையில் வசதியாக பணிபுரியும் இடமும் இருந்தாலும்
பிள்ளைகளின் மேற்படிப்புக்காக, அவர்கள் படிக்கும்
பள்ளியின் அருகிலேயே பல கிலோ மீட்டர் தொலைவில்
வாடகைக்கு குடிபோக நினைத்தான் பிரசாத்
–
பத்து குடியிருப்புகள் கொண்ட காம்பவுண்ட் ஒன்றில்,
‘டூ லெட்’ பலகை தொங்கியதைப் பார்த்து அவ்வீட்டின்
உரிமையாளரான சாந்தாவைச் சந்தித்து விவரத்தைக்
கூறினான்.
அதற்கு அவன், வீடு கொடுக்கிறதைப் பத்தி எந்த
ஆட்சேபணையும் இல்லை. ஆனா ஒரே கன்டிஷன்!
எங்க காம்பவுண்டுல குடியிருக்கிற யாருக்குமே குடிக்கிற
பழக்கம் கிடையாது. உங்களுக்கும் குடிப்பழக்கம்
இல்லேன்னா தாராளமா வந்து தங்கிக்கலாம்’ என்றாள்
–
அவளே தொடர்ந்து, ;இப்போ குடிக்க மாட்டேன்ன்னு
சொல்லிட்டு அப்புறமா குடிச்சிடு வந்தா, அடுத்த நிமிஷமே
உங்க அட்வான்ஸ் பணத்தை வாசல்ல வச்சிடுவேன்…
உடமே வீட்டை காலி செஞ்சிடணும், சம்மதமா? என்று
கண்டிப்புடன் கூறினாள்
–
பிரசாந்தும் ‘எனக்கு எந்த கெட்ட பழக்கமும் கிடையாது.
உங்க கண்டிஷனுக்கு சம்மதிக்கிறேன்’ என்று கூறி
முன் பணம் கொடுத்தான்.
–
மறுவாரம குடியேறிய பின், பிரசாந்தின் மனைவியிடம்,
‘ஆமா …உங்க வீடுக்காரர் எங்கே வேலை பார்க்கிறார்?
என்று சாந்தா கேட்க, ‘டாஸ்மாக்கில்!’ என்று அவள்
சொல்ல வாயடைத்து நின்றாள்..!!
–
————————————
வ.முருகன்
குமுதம்

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

கண்டிஷன் – ஒரு பக்க கதை

கண்டிஷன் – ஒரு பக்க கதை