காற்றாலை மின்உற்பத்தி குறைந்ததால் தமிழகத்தில் மின்வெட்டு ஏற்படுமா?

by **அ.இராமநாதன்** Sun Sep 17, 2017 3:37 pm

சென்னை,

தமிழகத்தின் மின்சார தேவையை பூர்த்தி செய்வதில்
காற்றாலை மின்சாரம் முக்கிய பங்கு வகிக்கிறது.
குமரி, நெல்லை, திருப்பூர் மற்றும் கோவை மாவட்டங்களில்
உள்ள காற்றாலைகள் மூலம் கடந்த ஜூன், ஜூலை மற்றும்
ஆகஸ்டு மாதங்களில் தினமும் 3 ஆயிரம் முதல் 4 ஆயிரம்
மெகாவாட் வரை மின்சாரம் உற்பத்தி செய்யப்பட்டு வந்தது.

இதன்மூலம் தமிழகத்தில் கடந்த 3 மாதங்களாக மின்வெட்டு
இல்லாமல் இருந்து வந்தது. தென்மேற்கு பருவக்காற்று
தொடங்கி, 90 நாட்களுக்கும் மேலாக காற்றாலைகள் மூலம்,
சிறப்பான வகையில் மின் உற்பத்தி நடைபெற்று வந்தது.

இதில் இருந்து தமிழகத்தின் மின் தேவைக்கு தினமும்
2,500 முதல் 3,500 மெகாவாட்டிற்கும் அதிகமான மின்சாரம்
எடுத்துக் கொள்ளப்பட்டது.

மின்உற்பத்தி குறைந்தது

இந்தநிலையில் கடந்த ஒரு வாரமாக காற்றாலை மின்உற்பத்தி
குறைந்துள்ளது. கடந்த 10-ந்தேதி 674 மெகாவாட் மின்சாரம்
உற்பத்தியான நிலையில், 11-ந்தேதி 285, 12-ந்தேதி 115, 13-ந்தேதி
129, 14-ந்தேதி 531, 15-ந்தேதி 1,503, நேற்று (16-ந்தேதி)
1,954 மெகாவாட் மின்சாரம் உற்பத்தி செய்யப்பட்டது.

by **அ.இராமநாதன்** Sun Sep 17, 2017 3:38 pm

தற்போது பருவம் நிறைவடைந்த நிலையில் மின்சார
உற்பத்தியில் ஏற்ற இறக்கம் காணப்பட்டு வருகிறது.

எனவே, தமிழகத்தில் மின்வெட்டு ஏற்படுமா? என்ற அச்சம்
மக்கள் மத்தியில் எழுந்துள்ளது. இதுகுறித்து எரிசக்தி துறை
அதிகாரி கூறியதாவது:-

மின்வெட்டு?

காற்றாலை மின்உற்பத்தி குறைந்ததால் மின்வெட்டு ஏற்படாது.
காற்றாலைக்கு பதிலாக அனல் மின்நிலையங்களில் மின்
உற்பத்தி தற்போது அதிகரிக்கப்பட்டு உள்ளது. காற்றாலை
மின்சாரம் அதிக அளவில் கிடைத்ததால், ஒரு சில அனல் மின்
நிலையங்களில் உற்பத்தி நிறுத்தப்பட்டு பராமரிப்பு பணிகள்
செய்யப்பட்டு வந்தது.

தற்போது அங்கு மின்உற்பத்தி தொடங்கி உள்ளது.
எனவே மின்வெட்டு ஏற்பட வாய்ப்பு இல்லை.

மின்சாரம் தடைபடுவது மின்பற்றாக்குறையால் அல்ல.
ஒரே நேரத்தில் ஏ.சி. உள்ளிட்ட மின்சாதனங்களை அனைவரும்
பயன்படுத்தும் போது டிரான்ஸ்பார்மர்களில் பழுது ஏற்பட்டு
விடுகிறது.

இதனை உடனடியாக சரி செய்வதற்கான நடவடிக்கைகள்
எடுக்கப்பட்டு வருகிறது. இதுதவிர புதிய அனல் மின்
நிலையங்களை அமைப்பதற்கான பணிகளும் நடந்து வருகிறது.

இவ்வாறு அவர் தெரிவித்தார்.
-
---------------------------------
தினத்தந்தி

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

காற்றாலை மின்உற்பத்தி குறைந்ததால் தமிழகத்தில் மின்வெட்டு ஏற்படுமா?

காற்றாலை மின்உற்பத்தி குறைந்ததால் தமிழகத்தில் மின்வெட்டு ஏற்படுமா?

Re: காற்றாலை மின்உற்பத்தி குறைந்ததால் தமிழகத்தில் மின்வெட்டு ஏற்படுமா?