மாமியாரை வென்ற மருமகள்

by **அ.இராமநாதன்** Mon Oct 30, 2017 12:08 pm

-
பல ஆண்டுகளுக்கு முன்பு தாழ்த்தப்பட்டவர் வீட்டிலிருந்து
உயர் சாதியைச் சேர்ந்த பெண் ஒருவர் கொட்டாங்கச்சியில்
அடுப்பெரிக்க தீக்கனல் வாங்கி வந்தபோது அவளது
கையை தீ பதம் பார்க்க, உடனே அவர் வாயில் விரலை
வைத்துச்சப்ப, தாழ்த்தப்பட்டவர் வீட்டிலிருந்து, அந்த பெண்
உணவருந்தினாள் என அவளது மாமியார் குறைகூற,
குளத்தில் விழுந்து தற்கொலை செய்து கொள்கிறாள்.

அந்தப் பெண்ணின் நினைவாகப் பின்னர் அங்கே ஒரு
கோயில் உருவானது.

பங்குனி மாதம் பத்து நாட்கள் விழா நடைபெறும்.
ஒன்பதாம் நாள் மாமியாரை மருமகள் வென்றதை
உணர்த்தும் கமுகு எழுந்தருளும் நிகழ்ச்சி நடைபெறுகிறது.

நன்கு வளர்ந்த கமுகு மரத்தைத் தேர்வு செய்து அதற்கு
பூஜைகள் நடத்தி, தீபாராதனைகள் காண்பித்து வேருடன்
வெட்டி தரையில் சாய்ப்பார்கள்.

பின்னர் சுமார் 150 இளைஞர்கள் கமுகு மரத்தை மாறி மாறி
இழுக்கின்றனர். கமுகு மரத்தை சுமார் அரை கிலோமீட்டர்
தொலைவில் உள்ள விழாப் பந்தலுக்கு எடுத்துச்செல்ல
கடும் போட்டி நடைபெறும்.

கமுகு மரத்தை விழா நடக்கும் இடத்துக்குக் கொண்டு
செல்லாமல் மாமியார் ஆட்கள் தடுப்பதும், மரத்தை இழுத்துக்
கொண்டு மருமகள் ஆட்கள் விழாப்பந்தலை நோக்கி
ஓடுவதும் காண்பதற்கு சுவாரஸ்யமாக இருக்கும்.

கிட்டத்தட்ட ஒன்றரை மணி நேர மர இழுப்பிற்குப்பின் மரம்
விழாப் பந்தலில் நாட்டப்பட்டு, தேவியாக உருவெடுத்த
மருமகள், மாமியாரை வென்றதை உணர்த்தும் வகையில்
மரத்தின் உச்சியில் தீபம் ஏற்றப்படும்.

இது கன்னியாகுமரி மாவட்டம் குலசேகரத்தை அடுத்த
இட்டகவேலியில் ஆண்டாண்டு காலமாக நடக்கும்
திருவிழாவின் ஒரு பகுதியாகும்.

இப்படி தமிழகம் முழுக்க பல வித்தியாசமான விழாக்கள்
நூற்றுக்கணக்கில் கொண்டாடப்படுவது தமிழ்க்
கலாச்சாரத்தின் தனிச்சிறப்புதான்!
-
------------------------------------

- திருவட்டாறு சிந்துகுமார்
குமுதம்
நன்றி- தினமலர் (பிற இதழ்கள்)

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

மாமியாரை வென்ற மருமகள்

மாமியாரை வென்ற மருமகள்