கன்னியாக்குமரிக்கு தெற்கில் லெமூரியா கண்டம் என்ற 
நிலப்பகுதி முன்பு இருந்ததாகக் கூறப்படுகிறது. தற்போது
 விவேகானந்தர், திருவள்ளுவர் பாறை அமைந்துள்ள இடம். 
அப்போது அந்த நிலத்தில் இருந்துள்ளது. 

அப்போது அந்தப் பாறையில் நின்று கொண்டிருந்த ஓர் இளம் 
பெண் தன்னை ஊர் எல்லையில் கொண்டு விடுமாறு அந்த 
வழியாக சென்று கிறிஸ்துவ மீனவர்களிடம் கூறியுள்ளார்.

அப்போது அந்த மீனவர்கள், நீ பெண்ணாக இருப்பதால் உன்னைத் 
தொடமாட்டோம் என்று கூறி தாங்கள் கொண்டு வந்த ஓமல் 
எனப்படும் பனை ஓலையினால் ஆன குடுவையில் அந்த இளம்
பெண்ணை வைத்து ஊர் எல்லையில் கொண்டு வந்து விட்டார்கள்.

 ஊர் எல்லை வந்ததும், அந்தப் பெண், இவ்வூரில் நடக்கும் 
திருவிழாவிற்கு நீங்கள்தான் கொடிமரக்கயிறு தரவேண்டும் 
என்று கூறி மறைந்துள்ளார். 

இதைத் தொடர்ந்து அந்த இடத்தில் குமரி பகவதி அம்மன் கோயில்
 உருவாகியதாக வரலாறு கூறுகிறது.

அன்றிலிருந்து இன்றுவரை கன்னியாகுமரியைச் சேர்ந்த 
கைலி மீனவர் குடும்பத்தினர் பரம்பரை பரம்பரையாக,
 சில நூற்றாண்டுகளாக பகவதி அம்மனுக்கு கொடிமரக்கயிறு 
அளித்து வருகின்றனர். 

இத்தனைக்கும் இவர்கள் கிறிஸ்துவர்கள். ஆனால், இதற்காக
 நாகர்கோவிலில் உள்ள கயிறு திரிப்பவர்களிடம் சென்று 
கோயில் கொடிமரத்துக்கான கயிறு செய்யக்கூறி அதை ப
யபக்தியுடன் திருவிழாவிற்கு முன் தினம் மாலையில் 
மேளதாளத்துடன் தட்டில் வைத்த கொடிமரக் கயிறு அளிப்பார்கள்.

ஒருமுறை இந்த கொடிமரக் கயிற்றை கிறிஸ்தவர்கள் வழங்கக்
கூடாது என மன்னர் ஆட்சியின்போது எதிர்ப்புத் தெரிவித்து, 
அவர்களே கயிறு தயாரித்து கொடி ஏற்ற, அந்தக் கொடி பாதியிலேயே
 அறுந்து விழுநதுள்ளது. 

அதன்பின் கிறிஸ்துவ மீனவரகள் மூலமாக கயிறு கொண்டு 
வரப்பட்டு கொடியேற்றியுள்ளனர்.
-
--------------------------------
 திருவட்டாறு சிந்துகுமார்
குமுதம்