நீதிமன்ற அவமதிப்பு வழக்கில் நாளை தலைமைச் செயலர் ஆஜராக உத்தரவு

by **அ.இராமநாதன்** Tue Nov 07, 2017 7:15 am

நீதிமன்றம் உத்தரவிட்டும் நிலத்தை வழங்காமல் இழுத்தடித்து நீதிமன்ற அவமதிப்பு வழக்கில் சரியாக பதிலளிக்காததைக் கண்டு கருத்து தெரிவித்த நீதிபதிகள் அமர்வு தலைமைச் செயலாளர் கிரிஜா வைத்தியநாதன் உள்ளிட்ட நான்கு அதிகாரிகள் நாளை ஆஜராக உத்தரவிட்டுள்ளது.

சென்னை கோயம்பேட்டில் மொத்த விற்பனை அங்காடி வளாகம் கட்டுவதற்காக சோமு உடப்ட 12 பேரிடம் நிலம் கையகப்படுத்தப்பட்ட்து. கையகப்படுத்தப்பட்ட நிலத்தை அதற்கு பயன்படுத்தாததால் நிலத்தை திருப்பி அளிக்கக் கோரி சென்னை உயர் நீதிமன்றத்தில் மனு தாக்கல் செய்தனர்.

இந்த மனுவை விசாரித்த உயர் நீதிமன்றம் 2013-ல் நிலத்தை திருப்பி அளிக்க உத்தரவிட்டது. இந்த உத்தரவை எதிர்த்து உச்ச நீதிமன்றத்தில் அரசு தாக்கல் செய்யப்பட்ட மேல்முறையீடு மற்றும் சீராய்வு மனுவும் தள்ளுபடி செய்யப்பட்டது.

இதை அடுத்து நிலத்தை திருப்பி அளிக்காததால் வீட்டுவசதி மற்றும் நகர்ப்புற மேம்பாட்டுத் துறையின் அப்போதைய செயலாளர் தர்மேந்திர பிரதாப் யாதவ், சி.எம்.டி.ஏ உறுப்பினர் செயலர் விஜய ராஜ்குமார் ஆகியோருக்கு எதிராக நீதிமன்ற அவமதிப்பு வழக்கு தொடரப்பட்டது. கடந்த அக்டோபர் 12-ம் தேதி விசாரணைக்கு வந்த போது 3 வாரங்களில் நீதிமன்ற உத்தரவு அமல்படுத்தப்படும் என அரசு தரப்பில் தெரிவிக்கப்பட்டதையடுத்து வழக்கு விசாரணை நவம்பர் 6 க்கு ஒத்திவைக்கப்பட்டது.

இன்று இந்த வழக்கு நீதிபதி கே.கே.சசிதரன், நீதிபதி பி.வேல்முருகன் முன் விசாரணைக்கு வந்தது. அப்போது அரசு தரப்பில் மனுதாரர் விற்ற இடம் தற்போது இல்லை எனவும் மாற்று இடம் வழங்கப்படும் என தெரிவிக்கப்பட்டது. நீதிமன்ற உத்தரவை அரசு அமல்படுத்துமா என்று அரசை எதிர்பார்த்துக் கொண்டிருக்க முடியாது என்று நீதிபதிகள் தெரிவித்தனர்.

நீதிமன்ற உத்தரவை அமல்படுத்தாவிட்டால் மக்கள் நீதித்துறையின் மீது நம்பிக்கை இழந்து, வேறு வழியை நாடக்கூடும், சென்னை உயர் நீதிமன்றத்தில் அரசுக்கு எதிராக அவமதிப்பு வழக்குகள் வெள்ளம் போல் திரண்டு கிடப்பது தலைமைச் செயலாளருக்கு தெரியுமா என நீதிபதிகள் கேள்வி எழுப்பினர்.

இதையடுத்து வழக்கில் நாளை தலைமை செயலாளர் கிரிஜா வைத்தியநாதன் ஆஜராக உத்தரவிட்டுள்ளார். மேலும் வீட்டு வசதி முன்னாள் செயலாளர் தர்மேந்திர பிரதாப் யாதவ், தற்போதைய முதன்மை செயலாளர் கிருஷ்ணன்

சி.எம்.டி.ஏ. உறுப்பினர் செயலாளர் விஜய ராஜ்குமார் ஆகியோர் ஆஜராகி விளக்கமளிக்கவும் அமர்வு உத்தரவிட்டுள்ளது.

தி இந்து

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

நீதிமன்ற அவமதிப்பு வழக்கில் நாளை தலைமைச் செயலர் ஆஜராக உத்தரவு

நீதிமன்ற அவமதிப்பு வழக்கில் நாளை தலைமைச் செயலர் ஆஜராக உத்தரவு