நல்ல தமிழில் வாழ்கிறார் நன்னன்! கவிஞர் இரா. இரவி

by **eraeravi** Tue Nov 07, 2017 11:07 pm

நல்ல தமிழில் வாழ்கிறார் நன்னன்!

கவிஞர் இரா. இரவி

வணக்கம் சொல்வதை விடச் சிறந்தது
வாழ்த்துச் சொல்வது சிறப்பென்றவர்!

நல்ல தமிழை எல்லோருக்கும் தினமும்
நாடறிந்த தொலைக்காட்சி மூலம் கற்பித்தவர்!

படித்தவர் முதல் பாமரர் வரை அனைவருக்கும்
பைந்தமிழை போதித்திட்ட இனியவர்!

திருஞானசம்பந்தன் என்பது இயற்பெயர்
திக்கெட்டும் பரவியது நன்னன் என்ற புனைப்பெயர்!

அண்ணாமலை பல்கலைக்கழகத்தில் புலவர் பட்டமும்
அழகுசென்னை பல்கலைக்கழகத்தில் முனைவர் பட்டமும் பெற்றவர்!

தொடக்கப்பள்ளி ஆசிரியராகத் தொடங்கிய பயணம்
தொன்மைமிக்க மாநிலக்கல்லூரி பேராசிரியராக உயர்ந்தார்!

தமிழ் வளர்ச்சித் துறையின் இயக்குனராகப் பணியாற்றி
தமிழ் வளர்ச்சிக்கு உண்மையில் வித்திட்டவர்!

எழுத்து அறிவித்த இறைவனாக விளங்கியவர்
எண்ணத்தில் பகுத்தறிவுப் பகலவனைப் பின்பற்றியவர்!

நூல்கள் பல எழுதிக் குவித்தார் முத்தாய்ப்பான
நூலாக திருக்குறள் விளக்க உரை வடித்தார்!

பெரியார் விருது திரு.வி.க. விருது தமிழ்ச்செம்மல் விருது
பல விருதுகளைப் பெற்று விருதுகளுக்குப் பெருமை சேர்த்தார் !

இவர்தான் பெரியார் என்று இரண்டு தொகுதிகள்
இவரால் எழுதப்பட்டு பெரியாருக்குப் புகழ் சேர்த்தார்!

செந்தமிழை செத்த மொழி ஆக்கி விடாதீர் என
செந்தமிழுக்காக எழுத்திலும் பேச்சிலும் முத்திரை பதித்தார்!

சிறுகுழந்தைக்கும் புரியும் வண்ணம் எளிமையாக
செந்தமிழை உச்சரித்து தமிழை வளர்த்தவர் !

கடைசிமூச்சு உள்ளவரை நாள்தோறும்
கன்னித்தமிழை வளர்த்திட உதவி வந்தவர் !

தமிழின் அருமை பெருமையை நாள்தோறும்
தரணி எங்கும் பரப்பி புகழ் பெற்றவர் !

ஈடுசெய்ய முடியாத பேரிழப்பு உண்மைதான்
ஈடு செய்வோம் நல்ல தமிழில் நாளும் பேசி!
.

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

நல்ல தமிழில் வாழ்கிறார் நன்னன்! கவிஞர் இரா. இரவி

நல்ல தமிழில் வாழ்கிறார் நன்னன்! கவிஞர் இரா. இரவி