தேசிய பாட்மின்டன்: செய்னா சாம்பியன்

by **அ.இராமநாதன்** Thu Nov 09, 2017 10:06 am

[You must be registered and logged in to see this image.]

நாக்பூர்:
தேசிய பாட்மின்டன் பெண்கள் ஒற்றையர் பிரிவில்
செய்னா நேவல், சாம்பியன் பட்டம் வென்றார். பைனலில்,
சிந்துவை தோற்கடித்தார்.

மகாராஷ்டிரா மாநிலம் நாக்பூரில், சீனியர் தேசிய பாட்மின்டன்
சாம்பியன்ஷிப் தொடர் நடந்தது. இதன் பெண்கள் ஒற்றையர்
பிரிவு பைனலில், உலகின் 'நம்பர்-2' சிந்து, 11வது இடத்தில்
உள்ள செய்னா நேவல் மோதினர்.

முதல் செட்டை செய்னா 21-17 எனக் கைப்பற்றினார். இரண்டாவது
செட்டில் இருவரும் மாறி, மாறி, புள்ளி எடுத்தனர். ஆனால்,
போராட்டமான ஆட்டத்தை வெளிப்படுத்திய செய்னா 27-25 என
கைப்பற்றினார்.

53 நிமிடம் நீடித்த போட்டியில் செய்னா 21-17, 27-25 என்ற நேர் செட்
கணக்கில் வெற்றி பெற்றார். இதன் மூலம், மூன்றாவது முறையாக
(2006,07,17) கோப்பை வென்றார்.

பிரனாய் சாம்பியன்:

இதன் ஆண்கள் ஒற்றையர் பிரிவு பைனலில், உலகின் 'நம்பர்-2'
ஸ்ரீகாந்த், 11வது இடத்தில் உள்ள பிரனாய் மோதினர். முதல் செட்டை
பிரனாய் 21-15 எனக் கைப்பற்றினார். பின் எழுச்சி கண்ட ஸ்ரீகாந்த்,
2வது செட்டை 21-16 என தன்வசப்படுத்தி பதிலடி தந்தார்.

வெற்றியாளரை நிர்ணயிக்கும் மூன்றாவது செட்டில் ஆதிக்கம்
செலுத்திய பிரனாய் 21-7 என வென்றார்.மொத்தம் 49 நிமிடம் நீடித்த
போட்டியில் பிரனாய், 21-15, 16-21, 21-7 என்ற கணக்கில் வெற்றி
பெற்று சாம்பியன் பட்டம் வென்றார். இதன்மூலம் இவர், கடந்த
மாதம் பிரான்சில் நடந்த பிரெஞ்ச் ஓபன் சூப்பர் சீரிஸ்
அரையிறுதியில், ஸ்ரீகாந்திடம் கண்ட தோல்விக்கு பதிலடி தந்தார்.
-
------------------------------
தினமலர்

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

தேசிய பாட்மின்டன்: செய்னா சாம்பியன்

தேசிய பாட்மின்டன்: செய்னா சாம்பியன்