[You must be registered and logged in to see this image.]


ஒரு ஊரில் - 
முனியன் என்ற வியாபாரி வசித்து வந்தான்; அவன் சிறிய 
மளிகை கடை நடத்தி, அதில் கிடைக்கும் வருமானத்தில், 
குடும்பத்தை காப்பாற்றி வந்தான். 

பக்கத்து ஊரில் கூடும் சந்தையில், சரக்கு கொள்முதல் செய்ய,
 வாரம் ஒருமுறை செல்வது வழக்கம். 

ஒரு நாள் -
முனியன் சந்தைக்குப் புறப்பட்டான். அன்று, வெயில் மிகவும் 
கடுமையாக இருந்தது. வெயிலில் நடக்க முடியாமல் 
அவதிப்பட்டான். அவனுக்கு முன், ஒருவன் கழுதையுடன் 
சென்று கொண்டிருந்தான். 

அவனை பார்த்து, “என்னால், வெயிலில் நடக்க முடியவில்லை;
 கழுதை மீது ஏற்றி, சந்தை வரை அழைத்து செல்ல எவ்வளவு 
ரூபாய் வேண்டும்...” என்று கேட்டான், முனியன்.

“சந்தை வரை செல்ல, 50 ரூபாய் வேண்டும்...” என்றான், க
ழுதை சொந்தக்காரன்.

அதற்கு சம்மதித்த முனியன், கழுதை மீது அமர்ந்தான்; 
பயணம் தொடங்கியது.

வழியில், வெயில் சற்று கடுமையாக இருந்தது. எனவே, 
கழுதையை விட்டு இறங்கி, நிற்க, நிழலை தேடினான்.

சுற்றிலும், மரம், செடி, கொடிகள் இல்லை. எங்கும் நிழல் இல்லை. 
முனியன், கழுதை நின்ற இடத்துக்கு வந்தான். அதன் அருகே, 
நிழல் விழுவதை கண்டான். அந்த நிழலில் உட்கார்ந்து சற்று 
நேரம் இளைப்பாறிய பின், மீண்டும் கழுதையில் ஏறி, 
பயணத்தை தொடர்ந்தான்.

சற்று துார பயணத்துக்குப்பின், மீண்டும் இதேப்போல் கழுதை 
நிழலில் உட்கார்ந்து இளைப்பாறினான்.

சந்தை எல்லையை அடைவதற்குள், ஐந்து முறை, கழுதை நிழலில் 
அமர்ந்து இளைப்பாறி பயணத்தை தொடர்ந்தான். 

சந்தைக்கு வந்த உடன், கழுதை சொந்தகாரனிடம், பேசியபடி,
 50 ரூபாயை கொடுத்தான்.

பணத்தை வாங்க மறுத்துவிட்டான் கழுதையின் 
சொந்தக்காரன்.

“கழுதை மீது உட்கார்ந்து வர, 50 ரூபாய் கேட்டீர்கள்; அந்த 
பணத்தை கொடுத்தால், வாங்க மறுக்க என்ன காரணம்...” 
என்று கேட்டான், முனியன்.

“ஐயா... தங்களிடம் கழுதை மீது ஏறி வர மட்டும், 50 ரூபாய் 
கேட்டேன்; 

“ஐயா... தங்களிடம் கழுதை மீது ஏறி வர மட்டும், 50 ரூபாய் 
கேட்டேன்; அது உண்மை. ஆனால், பயணத்தில் கழுதை நிழலில்,
 ஐந்து முறை உட்கார்ந்தீர்கள்; எனவே, கழுதை மீதான 
பயணத்துக்கு, 50 ரூபாயும், வழியில் கழுதை நிழலில் உட்கார்ந்து
 இளைப்பாறியதற்கு, 20 ரூபாயும் சேர்த்து, 70 ரூபாய் தர
 வேண்டும்,” என்று கூறினான்.

“கழுதை மீது அமர்ந்து வர, 50 ரூபாய் கட்டணம் போதும்
 என்றீர்கள்; கழுதை நிழலுக்கு பணம் தர வேண்டும் என்று 
கூறவில்லையே...” என்றான், முனியன்.

“ஐயா... நீங்கள் கழுதை மீது மட்டும் தான், உட்கார்ந்து பயணம்
செய்வீர்கள் என்று நினைத்தேன். ஆனால், கழுதை நிழலில் 
உட்கார்ந்து, இளைப்பாறி வருவீர்கள் என்று தெரிந்திருந்தால்,
 கழுதை நிழலுக்கும் சேர்த்து பணம் கேட்டிருப்பேன்,” என்று 
கூறினான் கழுதைக்கு சொந்தக்காரன்.

“கழுதை நிழலுக்கு பணம் தர முடியாது...” 

“நிழலுக்கு கண்டிப்பாக பணம் தர வேண்டும்...” 

இப்படி இருவரும் போட்ட கூச்சலால், பயந்த கழுதை, மிரண்டு 
கத்தியபடியே ஓடியது.

இதை கண்ட கழுதை சொந்தக்காரன், பணத்தை மறந்து, 
கழுதையை பிடித்து வர அதன் பின்னால் ஓடினான். 

பேராசையால், அவனுக்குக் கிடைக்க வேண்டிய பணம் போயிற்று.
 'ஏமாற்ற நினைத்தவனுக்கு, சரியான தண்டனை கிடைத்தது' என்று 
எண்ணியவாறே, சந்தைக்கு சென்றான் முனியன்.

பட்டூஸ்... எப்பவும் நேர்மையா இருக்கணும்... 
பிறரை ஏமாற்ற நினைத்தால், நாம் தான் ஏமாந்து போவோம். சரியா!
-
---------------------------------
நன்றி- சிறுவர் மலர்