சென்னை மீனவர்கள் போராட்டம் எதிரொலி: மெரினாவில் கட்டுப்பாடுகள் அதிகரிப்பு!

by KavithaMohan Fri Dec 08, 2017 4:04 pm

[You must be registered and logged in to see this link.]
ஓகி புயலால் காணாமல் போன கன்னியாகுமரி மீனவர்களை மீட்டு தரக்கோரி கன்னியாகுமரி மீனவர்களுக்கு ஆதரவாக சென்னையிலும் மீனவர்கள் போராட்டத்தை துவங்கியுள்ளனர். இந்நிலையில் சென்னை மெரினா கடற்கரைக்கு காவல்துறை அதிக கட்டுப்பாடுகளை விதித்துள்ளது.
[You must be registered and logged in to see this image.]
வங்கக்கடலில் உருவான ஓகி புயலால் கன்னியாகுமரி மாவட்டமே சூறையாடப்பட்டது. புயல் குறித்த முன்னறிவிப்பு எதுவும் இல்லாத காரணத்தினால் ஆழ்கடல் மீன்பிடி மீனவர்கள் 2ஆயிரத்திற்கும் மேற்பட்டோர் கடலில் சிக்கி கரை திரும்ப முடியாமல் தவித்து வருகின்றனர். மீனவர்களை மீட்டு தரக்கோரி கன்னியாகுமரி மீனவர்கள், அதிகாரிகள் மற்றும் அரசியல் தலைவர்களிடமும் மனுகொடுத்துள்ளனர்.
ஆனால் அரசு தரப்பில் எடுக்கப்படும் நடவடிக்கைகள் ஆமைவேகத்தில் இருப்பதாக பொதுமக்கள் குற்றம் சாட்டியதோடு போராட்டத்தில் ஈடுபடவும் ஆரம்பித்தனர். கன்னியாகுமரியில் 2 நாட்களாக நடைபெறும் போராட்டத்திற்கு ஆதரவாக சென்னை நொச்சிக்குப்பத்தை சேர்ந்த மீனவர்களும் போராட்டத்தில் ஈடுபட்டுள்ளனர்.
இந்நிலையில் மீனவர்களின் போராட்டம் வலுவடைந்ததையடுத்து சென்னை மெரினா கடற்கரையில் நுழைய காவல்துறையினர் கடும் கட்டுப்பாடு விதித்துள்ளனர். மேலும் மீனவர்களின் போராட்டம் மெரினாவில் நுழையாமல் தடுக்க, மெரினாவில் தடுப்புகளை வைத்து போலீஸ் கட்டுபாடு விதித்துள்ளது.
நன்றி
[You must be registered and logged in to see this link.]

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

சென்னை மீனவர்கள் போராட்டம் எதிரொலி: மெரினாவில் கட்டுப்பாடுகள் அதிகரிப்பு!

சென்னை மீனவர்கள் போராட்டம் எதிரொலி: மெரினாவில் கட்டுப்பாடுகள் அதிகரிப்பு!