ஹைக்கூ உலா ! நூல் ஆசிரியர் : கவிஞர் இரா. இரவி ! நூல் விமர்சனம் : முனைவர் ச. சந்திரா !

by **eraeravi** Tue Dec 19, 2017 9:53 pm

ஹைக்கூ உலா !

நூல் ஆசிரியர் : கவிஞர் இரா. இரவி !

நூல் விமர்சனம் : முனைவர் ச. சந்திரா !

வெளியீடு : வானதி பதிப்பகம், 23, தீனதயாளு தெரு,
தியாகராய நகர், சென்னை-600 017.தொலைபேசி : 044 24342810, 24310769 மின்னஞ்சல் : vanathipathippakam@gmail.com விலை : ரூ. 80.

******

நுழைவாயில் :

ஹைக்கூ திலகம் இரா.இரவியின் பதினேழாவது நூலான ‘ஹைக்கூ உலா’ நூற்றுப் பதினேழு பக்கங்களை உள்ளடக்கிய உன்னத நூல். ஹைக்கூ என்னும் பாரசூட்டில் ஏறிப் பயணித்தால் சமூக விபத்துக்கள் எதுவும் நேராமல் சமநிலைச் சாலையில் சீராகப் பயணிக்கலாம் என்பதோடு இலக்கியப் பயணம் வாசகர் வாழ்வை வண்ணத்துப்பூச்சியாய் ஒளிரச் செய்யும் என்பதனை முன் அட்டைப்படம் கூறுகின்றது.

சிவபெருமானுக்கு வலமும் புறமுமாய் நந்தனாரும் ஞானசம்பந்தரும் அமைந்தது போல, இரா.இரவிக்கு தமிழ்த்தேனீயாய் இரா. மோகன் அவர்களும், இளைஞர்களின் மனத்தில் வாசம் புரியும் இறையன்பு அவர்களும் பக்கபலம் என்பதனை நூலின் பின் அட்டைப்படம் உணர்த்துகின்றது.

எது முதல் எது வரை?

உழவர் முதல் உதிரிப்பூக்கள் வரை, ஜல்லிக்கட்டு முதல் கால்கட்டு வரை, தன்னம்பிக்கை முதல் தானம் வரை, அறம் முதல் மரம் வரை, காதல் முதல் கந்துவட்டி வரை, சில்வண்டு முதல் துப்பாக்கி குண்டு வரை, கரையோர நாணல் முதல் காட்தோரத் தேக்கு வரை என கற்காலத்திலிருந்து கணினி காலம் வரை அலசி ஆராய்ந்து ஆணிவேர் எது, சிறுவேர் எது? பெருவேர் எது? என்று இந்நூல் முழுவதும் சுட்டிக்காட்டுகிறார் கவிஞர் இரா.இரவி.

கவிஞர் கரங்களில் ...

பக்கத்திற்குப் பக்கம் வானவில் வளைகின்றது. வளைந்த வானவில்லோ வர்ணங்களோடு வசனத்தையும் பிரதிபலிக்கின்றது. துள்ளிக் குதிக்கும் மீன்களோ தண்ணீரிலிருந்து தாவி தரைக்கு வந்து கவிஞரின் உள்மனதோடு உரையாடி விட்டுச் செல்கின்றது. இரும்பு கூட கரும்பாக உருமாறி இனிமை பேசுகின்றது. இஷ்டப்பட்டு கஷ்டப்பட்டு என சோளக்கதிர் சொல்லாமல் சொல்கின்றது.

செம்பருத்தி செடியில் இருந்து கொண்டு சிரிக்கின்றது. வேப்பம்பூவோ தித்திக்கின்றது. ஆமையோ கூட்டிலிருந்து எட்டிப் பார்த்து உயர்திணை உயிர்க்கு புத்தி புகட்டிச் செல்கின்றது. தாமரை மலரோ கரைக்கு வரை தத்துவம் பேசுகின்றது. சில்வண்டு நூலை வாசிக்கும் வாசகர்கள் காதிற்கும் வந்து சீண்டிச் செல்கின்றது. மரங்களும், மரத்தில் பூக்கும் மலர்களும் மனிதனால் உருவெடுத்து கவிஞரிடம் மண்டியிட்டுப் பேசுகின்றன.

பழமொழியா? புதுமொழியா?

பழமொழிகளை எல்லாம் புதுமொழிகளாக்கி அவற்றை அனைவர்க்கும் புரியும் வண்ணமாய் பொதுமொழிகளாக்கி ஹைக்கூ வடிவத்தில் வழங்குவதில் கவிஞர் இரா.இரவிக்கு நிகர் அவர் மட்டுமே. உதாரணத்திற்கு இதோ ஒன்றிரண்டு – ஹைக்கூ.

      “திரைகடல் ஓடி
      திரவியம் தேடினால்
      சுடுகிறான் சிங்களன்”       (ப.109)
மூடப்பழக்கத்திற்கு முட்டுக்கட்டைப் போடும் கவிதை இதோ.
      “பொய் சொன்ன வாய்க்கு
      போசனம் கிடைத்தது
      சோதிடர்”                    (ப.53)
காகிதக் கல்வெட்டு :
      “தனித்து இருந்தால் கிழிக்கலாம்
      சேர்ந்து இருந்தால் கிழிக்க முடியாது
      காகிதம்”                     (ப.103)
சாட்டையடி கவிதை :
      “நடிகர் விளம்பரத்தில் ஒருமுறை
      நாம் பலமுறை குடிக்கிறோம்
      குளிர்பானம்”                (ப.50)
கருணைக் கவிதை :
      “மதிக்கப்படுகின்றன
      வருடத்தில் ஒரு நாள்
      எருக்கம்பூக்கள்”             (ப. 44)
முரண் நயம் :
      “அடுக்கு மாடியில்
      நெருக்கமான வீடுகள்
      தூரமான மனசுகள்”
மனதில் பதிந்த கவிதை :
      “தாமதமானாலும்
      இறுதியில் வெல்வது
      அறம்”                        (ப.74)
மனமார ...

சாதி, மதம், இனம், மொழி, நிறம் என்ற ஐந்து அரக்கர்களையும் ஹைக்கூ என்னும் அஸ்திரம் கொண்டு அடியோடு தகர்க்கும் வல்லமை கவிஞர் இரா. இரவிக்கு உண்டு என்பது மறுக்க முடியாத உண்மை. காலத்தோடு கரங்கோர்த்து உருமாற்றும் வல்லமை மிக்க இரா. இரவியின் புகழ் இலக்கிய உலகில் பரவி ஒளிரட்டும் என என் போன்ற இணையதள வாசகியர் பாராட்டி மகிழ்கின்றோம்.

நன்றி
அன்புடன்
கவிஞர் இரா .இரவி

http://tamil.pratilipi.com/kavignar-eraravi

https://www.facebook.com/rravi.ravi

www.kavimalar.com

http://www.eraeravi.blogspot.in/
.
http://www.tamilthottam.in/f16-forum

http://eluthu.com/user/index.php?user=eraeravi

http://www.eegarai.net/sta/eraeravi

இறந்த பின்னும்
இயற்கையை ரசிக்க
கண் தானம் !

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

ஹைக்கூ உலா ! நூல் ஆசிரியர் : கவிஞர் இரா. இரவி ! நூல் விமர்சனம் : முனைவர் ச. சந்திரா !

ஹைக்கூ உலா ! நூல் ஆசிரியர் : கவிஞர் இரா. இரவி ! நூல் விமர்சனம் : முனைவர் ச. சந்திரா !