பல்சுவை - படித்தில் பிடித்தது- தொடர் பதிவு

by **அ.இராமநாதன்** Mon Dec 25, 2017 11:41 pm

* பிரபல மோட்டார் கார் தயாரிப்பாளர் ஹென்றி போர்டின்,
50வது ஆண்டு திருமண விழாவில், 'உங்களது திருமண
வாழ்க்கையின் வெற்றிக்குக் காரணம் என்ன?' என்று கேட்டனர்,
நண்பர்கள்.

அவர் சொன்னார்...
'கார் வியாபாரத்தை போல, ஒரே மாடலைப் பின்பற்றுவது தான்!'
-
---------------------------------------------

by **அ.இராமநாதன்** Mon Dec 25, 2017 11:42 pm

-
*லண்டன் விமான நிலையத்தில், பயணிகள் எதிரில்
புத்தகமொன்றை படித்துக் கொண்டிருந்ததற்காக,
'சஸ்பெண்ட்' செய்யப் பட்டார், விமான ஓட்டி ஒருவர்.

அவர் படித்துக் கொண்டிருந்த புத்தகம் என்ன தெரியுமா...
'பத்தே நாட்களில் விமானம் ஓட்டுவது எப்படி?' என்பது தான்!
-
------------------------------------------------

by **அ.இராமநாதன்** Mon Dec 25, 2017 11:43 pm

-
* அகதிகள் என்பதற்கு நல்ல தமிழில், 'புலம் பெயர்ந்த மக்கள்'
என்று எழுதுகிறோம். அதைவிட பொருத்தமானதும், உச்சரிக்க
எளிதானதுமான ஒரு சொல்லை, 'தனித்தமிழ் திங்களிதழ்'
ஒன்றில் காண நேர்ந்தது.

அது, 'ஏதிலிகள்' என்னும் சொல். இதற்கு பொருள், ஏதும்
இல்லாதவர்கள்!
-
-------------------------------------------------

by **அ.இராமநாதன்** Mon Dec 25, 2017 11:43 pm

-
* ஆண்கள் தீக்குச்சியைப் பற்ற வைக்கும் போது,
பெட்டியின் கீழ்ப்புறத்திலிருந்து மேற்புறத்துக்கு குச்சியைத்
தேய்க்கின்றனர்;

பெண்களோ, மேலிருந்து கீழாகக் குச்சியைத் தேய்த்துப்
பற்ற வைக்கின்றனர்.

அமெரிக்கப் பேராசிரியர் ஒருவரின் ஆராய்ச்சி முடிவு இது.

சந்தேகமிருந்தால் நீங்களே கவனித்துப் பாருங்கள்!
-
-----------------------------------------------

by **அ.இராமநாதன்** Mon Dec 25, 2017 11:43 pm

-
* அரபு நாட்டிலிருந்து வியாபாரத்திற்காக அரேபியர்கள்
தமிழகத்துக்கு வந்த போது, அவர்கள் பேசிய மொழி,
தமிழர்களுக்கு புரியவில்லை. அதேபோன்று அவர்களுக்கும்
தமிழ் மொழி பேசத் தெரியாத காரணத்தால், தமிழர்களின்
பேச்சுக்களுக்கு எல்லாம், 'லப்பைக்... லப்பைக்...' என்று
மறுமொழி பகர்ந்தனர், அரபிகள்.

அவர்கள் மொழியில், 'லப்பைக்' என்றால், 'நல்லது; அப்படியே
ஆகட்டும்' என்று பொருள். அடிக்கடி அவர்கள், 'லப்பைக்'
என்று சொல்வதைக் கேட்ட தமிழர்கள், அவர்களை, 'லப்பைகள்'
என்று அழைக்கத் துவங்கினர்.

இஸ்லாமிய இலக்கியக் கூட்டமொன்றில், எம்.அப்துல் வஹாப்
பேசிய போது கேட்டது!
-
--------------------------------------------------

by **அ.இராமநாதன்** Mon Dec 25, 2017 11:44 pm

-
* நாடாளுமன்றத்தில், அந்தந்த ஆண்டுக்கான நிதிநிலை
அறிக்கைகள் அடங்கிய பத்திரங்களை, ஒரு தோல்
பெட்டியில் எடுத்துப் போவார், பிரிட்டிஷ் நிதி மந்திரி.

அந்த தோல் பெட்டிக்குப் பெயர், 'பட்ஜெட்!' பெட்டியின்
பெயரே நாளடைவில் உள்ளே இருந்த பத்திரங்களின்
பெயராக மாறி விட்டது.
-
------------------------------------------------

by **அ.இராமநாதன்** Mon Dec 25, 2017 11:46 pm

முதலாளி திட்டினார்... ''உன் அப்பா எனக்கு நண்பர்ங்கிறதால
உன்னை வேலைக்கு சேர்த்தேன்; நீ ஒண்ணும் சரிவர மாட்ட
போலிருக்கே...''

வேலையாள் சொன்னான்...
''நீர் என் அப்பாவோட நண்பர்ங்கிறதால தான், நானும் இதுவரை
உம் மீது கை வைக்காமல் இருக்கேன்; ஜாக்கிரதை!''
-
-----------------------------------------

by **அ.இராமநாதன்** Mon Dec 25, 2017 11:47 pm

-
* அதிகாரி...''ஒருவர் முகத்தில் ஈயாட வில்லை என்றால்
என்ன அர்த்தம்?''

இன்டர்வியூவுக்கு வந்தவர்...
''அவர் தலைக்கு மேல் பேன் வேகமாக சுற்றுதுன்னு அர்த்தம்!''
-
-------------------------------------------

by **அ.இராமநாதன்** Mon Dec 25, 2017 11:48 pm

-
* திண்ணையில் உட்கார்ந்திருந்த தந்தை வீட்டுக்குள்
எட்டிப் பார்த்து, ''என்னடா அங்கே டியூஷன் வாத்தியாரோட
தகராறு... நான் எழுந்திருச்சி வரட்டுமா?''
-
பையன்...
''வேணாம்ப்பா... நானே, இந்த வாத்திய கவனிச்சுக்கிறேன்!''
-
--------------------------------------

by **அ.இராமநாதன்** Mon Dec 25, 2017 11:48 pm

* டிக்கெட் இல்லாமல், சீட்டுக்கடியில் ஒளிந்து, ரயிலில் பயணம்
செய்ததற்காக ஒருவரைப் பிடித்து விசாரணை நடத்தினர்;
அவனுக்கு அபராதம் விதித்தார், நீதிபதி.

அரசு தரப்பு வக்கீல் எழுந்தார்... ''அபராதத்தை இன்னும்,
20 சதவீதம் அதிகரிக்கணும்,'' என்றார்.

''ஏன்?''

''இவர் முதல் வகுப்பு சீட்டுக்கடியில் அல்லவா ஒளிந்திருந்தார்!''
-
--------------------------------------

by **அ.இராமநாதன்** Mon Dec 25, 2017 11:50 pm

-
* ''ஐ.ஜி., வந்திருக்கிறாரா?''
''இதோ இருக்கிறேன்...''
''கமிஷனர்?''
''இன்னும் வரலை...''
''ஏன் வரலை?''
''கொஞ்ச நேரம் முன் கூட இருந்தார்; இப்போது தான் காணோம்...''
''கலெக்டர்?''
''அதோ வர்றார்...''
''இன்னும் ஜட்ஜ் வரலையா?''
''இல்ல...''
-
''எல்லாரும் நான் வந்த பிறகுதான் வரணுமா...
நாளையிலிருந்து நான் வரும்போது இல்லன்னா,
அப்புறம் வருத்தப்படக் கூடாது...''
-
- யாரது இவ்வளவு பெரிய மனிதர்... 'கலெக்டர்' எங்கே,
'ஜட்ஜ் ஏன் வரவில்லை...' என்று கேட்கிறாரே என நினைத்து,
திகைக்காதீர்கள்!

அவர் வேறு யாரும் இல்லை; தபால்காரர் தான்.

அந்தந்த ஆபீஸ் தபால் கொடுக்கும் போது, 'கலெக்டர்' என்று
கூப்பிடும் போது கலெக்டராபீஸ் தபால் வாங்கும் ஊழியரும்,
'ஜட்ஜ்' என்று கூப்பிடும் போது, கோர்ட்டில் தபால் கொடுக்கும்
சிப்பந்தியும் தபால் வாங்க வருவர்.
-

by **அ.இராமநாதன்** Mon Dec 25, 2017 11:50 pm

* ''உங்க ஓட்டலில் தேங்காய் சட்னி போடுறத ஏன் நிறுத்திட்டீங்க?''
-
''தேங்காய் நார் விற்கிற விலையில எங்கே சார் கட்டுப்படியாகுது!''
-
--------------

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

பல்சுவை - படித்தில் பிடித்தது- தொடர் பதிவு

பல்சுவை - படித்தில் பிடித்தது- தொடர் பதிவு

Re: பல்சுவை - படித்தில் பிடித்தது- தொடர் பதிவு

Re: பல்சுவை - படித்தில் பிடித்தது- தொடர் பதிவு

Re: பல்சுவை - படித்தில் பிடித்தது- தொடர் பதிவு

Re: பல்சுவை - படித்தில் பிடித்தது- தொடர் பதிவு

Re: பல்சுவை - படித்தில் பிடித்தது- தொடர் பதிவு

Re: பல்சுவை - படித்தில் பிடித்தது- தொடர் பதிவு

Re: பல்சுவை - படித்தில் பிடித்தது- தொடர் பதிவு

Re: பல்சுவை - படித்தில் பிடித்தது- தொடர் பதிவு

Re: பல்சுவை - படித்தில் பிடித்தது- தொடர் பதிவு

Re: பல்சுவை - படித்தில் பிடித்தது- தொடர் பதிவு

Re: பல்சுவை - படித்தில் பிடித்தது- தொடர் பதிவு

Re: பல்சுவை - படித்தில் பிடித்தது- தொடர் பதிவு