அடிப்படை உரிமைக்கு பாதுகாப்பு: உச்ச நீதிமன்றத்தில் சிதம்பரம் மனு

by **அ.இராமநாதன்** Mon Feb 26, 2018 2:55 pm

புதுடில்லி,
ஏர்செல் - மேக்சிஸ் மற்றும், ஐ.என்.எக்ஸ்., மீடியா வழக்கு விசாரணை,
தனக்கும், தன் குடும்பத்தினருக்கும், கடுமையான மன உளைச்சலை
ஏற்படுத்தி இருப்பதாக, முன்னாள் மத்திய அமைச்சர், சிதம்பரம்,
உச்ச நீதிமன்றத்தில் மனு தாக்கல் செய்துள்ளார்.

தன் அடிப்படை உரிமைகளுக்கு பாதுகாப்பு அளிக்கும்படி, அதில்
கோரிக்கை வைத்துள்ளார்.

ஐ.என்.எக்ஸ்., மீடியா ஊழல் வழக்கில், முன்னாள் மத்திய அமைச்சரும்,
காங்., மூத்த தலைவருமான, சிதம்பரத்தின் மகன் கார்த்தி மீது,
சி.பி.ஐ., மற்றும் அமலாக்கத்துறை வழக்குப்பதிவு செய்து விசாரணை
நடத்தி வருகின்றன.

இந்த வழக்கு தொடர்பாக, சிதம்பரம் மற்றும் கார்த்தி வீடுகளில்,
சோதனைகள் நடத்தப்பட்டன.ஏராளமான ஆவணங்கள் கைப்பற்றப்
பட்டன. கார்த்திக்கு, அமலாக்கத்துறையினர், பலமுறை, 'சம்மன்'
அனுப்பி வருகின்றனர்.

இந்நிலையில், இந்த வழக்கு தொடர்பாக, சிதம்பரம், உச்ச நீதி மன்றத்தில்,
மனு தாக்கல் செய்துள்ளார்;

அதில், கூறப்பட்டுள்ளதாவது:

ஐ.என்.எக்ஸ்., மீடியா வழக்கு, முழுமையாக என்னைக் குறிவைத்துப்
போடப்பட்ட, பழி வாங்கும் நடவடிக்கை. இந்த வழக்கு தொடர்பாக,
என் மகனுக்கு தொடர்ச்சியாக சம்மன் வழங்கப்பட்டும், விஷயமே
இல்லாமல், மணிக் கணக்கில் விசாரணைகள் நடத்தப்பட்டும்
வருகிறது.

வங்கி கணக்குகள் முடக்கப்படுகின்றன. ஊடகங்களுக்கு தவறான
தகவல்கள் தரப்படுகின்றன; இவை, எனக்கும், என் மகனுக்கும்
கடுமையான மன உளைச்சலை ஏற்படுத்தி உள்ளன.

எனவே, சி.பி.ஐ., மற்றும் அமலாக்கத் துறையினரின், சட்ட விரோத
விசாரணைக்கு தடை விதிக்க வேண்டும். மேலும், எங்கள் அடிப்படை
உரிமைகள் மற்றும் அந்தரங்க உரிமைகளுக்கு பாதுகாப்பு அளிக்க
வேண்டும்.இவ்வாறு அம்மனுவில் கூறப்பட்டுள்ளது.
-
------------------------------------------------
தினமலர்

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

அடிப்படை உரிமைக்கு பாதுகாப்பு: உச்ச நீதிமன்றத்தில் சிதம்பரம் மனு

அடிப்படை உரிமைக்கு பாதுகாப்பு: உச்ச நீதிமன்றத்தில் சிதம்பரம் மனு