உள்ளாட்சித்தேர்தல் அறிவிப்பை 15 நாளில் வெளியிட வழக்கு: மாநில தேர்தல் ஆணையத்துக்கு நோட்டீஸ்

by **அ.இராமநாதன்** Sat Mar 03, 2018 6:21 pm

மதுரை:
தமிழகத்தில் உள்ளாட்சி தேர்தல் அறிவிப்பை 15 நாட்களுக்குள்
வெளியிட கோரிய வழக்கில், மாநில தேர்தல் ஆணைய கமிஷனருக்கு
நோட்டீஸ் அனுப்ப ஐகோர்ட் கிளை உத்தரவிட்டுள்ளது.

மதுரையை சேர்ந்த கே.கே.ரமேஷ், ஐகோர்ட் மதுரை கிளையில்
தாக்கல் செய்த மனு:

தமிழகத்தில் உள்ளாட்சி அமைப்புகளின் பதவிக்காலம்
24.10.2016 முதல் காலியாக உள்ளது. ஓராண்டுக்கு மேலாகியும்
உள்ளாட்சி தேர்தலை நடத்த, மாநில தேர்தல் ஆணையம் எந்த
நடவடிக்கையும் எடுக்கவில்லை.

அதே நேரம் உள்ளாட்சிகளை நிர்வகிக்கும் தனி அதிகாரிகளின்
பதவிக்காலம் நீட்டிக்கப்பட்டுள்ளது. மாநில தேர்தல் ஆணையம்,
அரசியல் காரணங்களுக்காக தேர்தலை நடத்த அக்கறை
காட்டவில்லை.

உள்ளாட்சி அமைப்புகளில் பதவிகள் காலியாக இருப்பதால்
பல்வேறு பணிகள் பாதிக்கப்பட்டுள்ளன. இதுதொடர்பான
வழக்குகளில், உள்ளாட்சி தேர்தலை நடத்த ஐகோர்ட் 3 முறை
கால நிர்ணயம் செய்தது.

ஆனாலும் மாநில தேர்தல் ஆணையம் எந்த நடவடிக்கையும்
எடுக்கவில்லை. எனவே 15 நாட்களுக்குள் உள்ளாட்சி தேர்தலை
நடத்துவதற்கான அறிவிப்பை மாநில தேர்தல் ஆணையம் வெளியிட
உத்தரவிட வேண்டும். இவ்வாறு மனுவில் கூறியிருந்தார்.

இந்த மனுவை நேற்று விசாரித்த நீதிபதிகள் எம்.சத்தியநாராயணன்,
ஆர்.ேஹமலதா ஆகியோர், மனு குறித்து மாநில தேர்தல் ஆணைய
கமிஷனர் மற்றும் தமிழக தலைமை செயலருக்கு நோட்டீஸ் அனுப்ப
உத்தரவிட்டு விசாரணையை மார்ச் 23க்கு தள்ளி வைத்தனர்.
-
-----------------------------------
தினகரன்

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

உள்ளாட்சித்தேர்தல் அறிவிப்பை 15 நாளில் வெளியிட வழக்கு: மாநில தேர்தல் ஆணையத்துக்கு நோட்டீஸ்

உள்ளாட்சித்தேர்தல் அறிவிப்பை 15 நாளில் வெளியிட வழக்கு: மாநில தேர்தல் ஆணையத்துக்கு நோட்டீஸ்