உடல் வலி போக்க டிப்ஸ்...

by **அ.இராமநாதன்** Mon Mar 05, 2018 9:20 am

இன்றைய சூழலில் ஐந்தில் இருவர் தீவிரமான உடல் வலியால்
அவதிப்படுகின்றனர். இப்படி உடல் வலி அல்லது மூட்டு வலி
அல்லது தசை பிடிப்பு ஏற்படும்போது பலவீனமடைந்து, அன்றாட
வேலையைக்கூட சரிவர செய்யமுடியாமல் போகும்.

போதிய உடற்பயிற்சி செய்யாததாலும், தவறான வாழ்க்கை
முறையை பின்பற்றுவதாலும்தான் இவ்வகை வலிகள்
ஏற்படுகிறது. இதை தவிர்க்க, சீரான முறையில் உடற்பயிற்சியில்
ஈடுபட வேண்டும்.

ஆரோக்கியமான உணவு உண்ண வேண்டும். இவ்வகை வலிகளை
குறைக்க சந்தையில் பல மருந்து விற்கப்படுகிறது. ஆனால்
அதனை உட்கொள்வதால் பக்கவிளைவு ஏற்படலாம்.

ஆரோக்கியமான உணவு உண்ணுவதால் தீவிரமான உடல் வலி
மட்டும் குறையாமல், ஏற்கனவே நீங்கள் அனுபவிக்கும் மற்ற
வலிகளும் குறையும். உடல் வலியை குறைக்க பல உணவுகள்
இருக்கிறது. அந்த உணவுகளில் கொஞ்சம் எடுத்துக்கொண்டால்
போதும், உடல் வலி மட்டுமின்றி, மன பாரமும் குறையும்.
அதன் விவரம் இதோ...
-
--------------------------------------

by **அ.இராமநாதன்** Mon Mar 05, 2018 9:22 am

செர்ரி:
இந்த சிறிய சிவப்பு நிற பழத்தில் அளவுக்கு அதிகமான
ஆன்டி-ஆக்ஸிடன்ட்டுகளும், அழற்சி நீக்கி என்சைம்களும் உள்ளது.
இது உங்கள் மூட்டு வலியையும், கீல்வாதத்தினால் ஏற்படும்
வலியையும் குறைக்க உதவும். தினமும் 45 செர்ரி பழங்களை
உட்கொண்டால், வலிகள் குறையும்.

இஞ்சி:
ஆஸ்பிரின் மாத்திரைக்கு மாற்றாக அமைகிறது இஞ்சி.
அந்த மாத்திரை செய்வதை போலவே இஞ்சியும் உங்கள் தலைவலி
மற்றும் மைக்ரைன் வலியை குறைக்கும்.

இதனை சுலபமாக உணவில் சேர்த்துக்கொள்ளலாம். உணவில் தினமும்
கொஞ்சம் இஞ்சி சேர்த்துக்கொள்வது மிகவும் பயன்தரும்.

மஞ்சள்:
திசு அழிவு மற்றும் அழற்சி ஏற்படாமல், உடலை காக்க மஞ்சள்
பெரிதும் உதவுகிறது. மேலும், நரம்பியல் அமைப்பு சீராக வேலை
செய்யவும் மஞ்சள் உதவிபுரிகிறது. தசை பிடிப்பு அல்லது காயம்
ஏதும் ஏற்பட்டால் மஞ்சளை அதன் மீது தடவினால் வலியும்,
அழற்சியும் குறையும்.

காபி:
ஒரு கப் செர்ரிகளைவிட காபியில் அதிகமாக ஆன்டி-
ஆக்ஸிடன்ட்டுகள் உள்ளது. தீவிரமான தலைவலி மற்றும் மைக்ரைன்
பிரச்னை உள்ளவர்கள் காபியை பயன்படுத்துகின்றனர்.
ஹேங்-ஓவர் மற்றும் மைக்ரைன் பிரச்னைக்கு ஒரு கப் காபி சிறந்த
மருந்தாக விளங்கும்.

தயிர்:
செரிமான பிரச்சனை அல்லது அசிடிட்டி பிரச்சனையால் வயிற்று
வலி ஏற்பட்டால் அதற்கு தயிர் சிறந்த மருந்து. தயிரை உணவோடு
சேர்த்து எடுத்துக்கொள்வது நல்லது. அப்படியேயும் சாப்பிடலாம்.

by **அ.இராமநாதன்** Mon Mar 05, 2018 9:23 am

புதினா:
புதினா சூயிங் கம்மை மென்றால் நற்பதமான மூச்சுக்காற்றை
கொடுப்பதோடு மட்டுமல்லாமல் தசை பிடிப்பு மற்றும் குடல்
பிரச்சனைகளால் ஏற்படுத்தும் எரிச்சலையும் குறைக்கும். புதினாவை
மூலிகை ஆஸ்பிரின் என்றும் அழைக்கலாம்.

காரமான மிளகு: இவை கண்களில் நீரை வரவைப்பதோடு
நிற்காமல், உடல் வலியையும் குறைக்கும். கீல்வாத வலியை
குறைக்க காரமான மிளகு பெரிதும் உதவும். தினமும் சிறிதளவு
மிளகு உட்கொண்டால் நல்ல பயன் தரும்.

கிரீன் டீ:
பொதுவாக உடல் எடையை குறைக்க கிரீன் டீ பெரிதும் உதவும்.
இதில், ஆண்டி-ஆக்சிடன்ட் குணங்கள் இருப்பதால் வீக்கங்களை
குறைக்கவும் உதவும். தினமும் ஒரு கப் கிரீன் டீ பருகினால்
பல நன்மைகளை அளிக்கும்.

ஆலிவ் எண்ணெய்:
மெடிட்டரேனியன் பகுதிகளில் இருந்து கிடைக்கும் இந்த எண்ணெய்,
வலி மற்றும் வீக்கங்களை குறைக்க உதவும். அதிலும் சமையலுக்கு
ஆலிவ் எண்ணெயை பயன்படுத்தினால் ஆரோக்கியமாக இருக்கலாம்.

கடல் உணவுகள்:
கடல் உணவுகளில், முக்கியமாக மீன்களில் ஒமேகா-3 அதிகமாக
உள்ளது. இது, உடல் வலி மற்றும் அழற்சியையும் நீக்கும். உணவில்
மீன் சேர்த்துக் கொண்டால் தீவிரமான உடல்வலி குறையும்.
-
-----------------------------
தினகரன்

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

உடல் வலி போக்க டிப்ஸ்...

உடல் வலி போக்க டிப்ஸ்...

Re: உடல் வலி போக்க டிப்ஸ்...

Re: உடல் வலி போக்க டிப்ஸ்...

Re: உடல் வலி போக்க டிப்ஸ்...