கால் ஆணி ஏற்பட்ட உடனேயே பூண்டை நசுக்கி அதன் 
சாறை காலில் ஆணி இருக்கும் இடங்களில் தடவி வரவும். 

இரவுப் பொழுதில் பூண்டை நசுக்கி காலில் வைத்து 
துணியால் கட்டுப்போட்டுவிட்டு காலையில் எடுத்து
விடலாம். இதுபோல் ஒரு வாரம் செய்து வந்தால் கால் 
ஆணிக்கு நல்ல நிவாரணம் கிடைக்கும்.

மேலும், மல்லிகைச் செடியின் இலையை இடித்து அதன் 
சாறை எடுத்து பாதத்தில் பத்து போடுங்கள். 
இதனால் பாதத்தில் கால் ஆணி மேலும் பரவாமலும், 
இருந்த இடம் தெரியாமலும் போகும்.

மஞ்சள் ஒரு துண்டு, வசம்பு ஒரு துண்டு, மருதாணி 
ஒரு கைப்பிடி அளவு எடுத்து விழுதாய் அரைத்து, 
கால் ஆணிகள் மீது தொடர்ந்து 21 நாட்கள் வரை பூசிவர, 
கால் ஆணிகள் அனைத்தும் மறையும்.

அம்மான் பச்சரிசி செடியை சிறுசு சிறுசா உடைச்சு 
அதில வர்ற பாலை பயன்படுத்தலாம். ஒரு தடவை 
தடவினதும் குணம் கிடைக்காது. தொடர்ந்து ரெண்டு 
வாரமாவது செய்ய வேண்டும். முதலில் வலி குறையும், 
பிறகு போகப் போக ஆணியும் மறைஞ்சிரும்.

சித்திரமூலம்(கொடிவேலி) வேர்ப்பட்டையை 
ஒரு புளியங்கொட்டை அளவு எடுத்து அரைச்சு தூங்கப்
போறதுக்கு முன்னாடி கால் ஆணி மேல பூசி வந்தா… 
மூணு நாள்ல குணம் கிடைக்கும். 

இந்த வைத்தியம் செய்யும்போது சிலருக்கு அந்த இடத்துல 
புண் உண்டாகும். அப்படி வந்தா… 
ஒரு ஸ்பூன் விளக்கெண்ணெயில ஒரு சிட்டிகை மஞ்சள்தூள் 
சேர்த்து குழைச்சு, புண் வந்த இடத்துல பூசுனா புண் ஆறிடும். 
கால் ஆணியும் காணாமப்போயிரும்.

5 கிராம் மஞ்சள், 5 கிராம் வசம்பு, கைப்பிடி அளவு 
மருதாணி இலைகள் ஆகியவற்றை தண்ணீர் விட்டு 
அரைத்து, கால் ஆணி உள்ள இடத்தில் அடைபோல் கனமாக 
வைத்து மேலே ஒரு வெற்றிலையை வைத்து, துணியினால் 
இறுகக் கட்டி விட வேண்டும். 

படுக்கும் முன்பு இதை செய்ய வேண்டும். தொடர்ந்து அரை 
மண்டலம் (20 நாட்கள்) வரை இவ்விதம் செய்தால் கால் ஆணி
 இருந்த இடம் தெரியாமல் மறைந்து விடும்.
-
-----------------------------------
நன்றி- மாலை மலர்

அத்திக்காயை எடுத்து நன்றாக அரைத்து வடிகட்டி அதன் சாறை 
கால் ஆணி மீது தடவி வந்தால் கால் ஆணி குறையும். 
கால் மிருதுவாகும் 
-
------------------------------

ஓட்ஸை எடுத்து நீர் விட்டு நன்றாக காய்ச்சி சிறிது நேரம் 
வைத்திருந்து தாங்கும் அளவு சூட்டில் கால்களை அந்த 
நீரில் சிறிது நேரம் வைத்திருந்தால் கால் ஆணி மற்றும் 
வலி குறையும்.
-
--------------------------------------------- 

சமையல் சோடாவை எடுத்து எலுமிச்சை பழச்சாறு மற்றும் 
சிறிது நீர் சேர்த்து நன்றாக கலந்து கால் ஆணி மீது தடவி 
வந்தால் கால் ஆணி குறையும். 
-
-----------------------------------------

மல்லிகை இலை. செய்முறை: மல்லிகை இலைகளைப் 
பிழிந்து சாறு எடுத்து கால் ஆணி மீது பூசி வந்தால் கால் ஆணி 
குறையும்
-
--------------------------------------------

வீட்டில் சமையலுக்குப் பயன்படுத்தும் கடுகைக் கொண்டு, 
காலில் உண்டாகும் ஆணியை சரிசெய்ய முடியும். 

விளக்கெண்ணெயை ஒரு பாத்திரத்தில் ஊற்றி சூடேற்றி, 
வறுத்த கடுகு மற்றும் மஞ்சள் தூள் சேர்த்து தைலம் 
போன்ற பதத்துக்கு நன்கு காய்ச்ச வேண்டும். 

நன்கு காய்ந்ததும் ஆறவைத்து வடிகட்டி வைத்துக் கொள்ள 
வேண்டும். இரவு நேரத்தில் தூங்கப் போகும்முன்பு கால்களைச் 
சுத்தப்படுத்தி, இந்த தைலத்தைத் தடவினால் கால் ஆணி 
குணமடைந்து விடும். 

அதேபோல் வறுத்த கடுகு, வேப்பிலை, மஞ்சள் தூள், 
குப்பை மேனி இலை ஆகியவற்றைச் சேர்த்து அரைத்து கால் 
ஆணி மற்றும் உட்புறத் தோல் பகுதி தடித்திருந்தால் அந்த 
இடங்களில் இந்த கலவையைத் தடவி காட்டன் 
துணி கொண்டு இரவு முழுக்க கட்டி வைத்திருக்க வேண்டும். 

அப்படி வாரத்துக்கு மூன்று நாட்கள் தொடர்ந்து செய்து வந்தால் 
உள்ளங்காலில் இருக்கும் ஆணி மிக விரைவாக குணமடையும்.
-

படித்ததில் பிடித்தது