இரட்டை இலைக்கு லஞ்சம்- டெல்லி நீதிமன்றத்தில் தினகரன் ஆஜர்

by **அ.இராமநாதன்** Wed Mar 14, 2018 1:07 pm

இரட்டை இலைக்கு லஞ்சம்- டெல்லி நீதிமன்றத்தில் தினகரன் ஆஜர்

புதுடெல்லி:

ஆர்.கே.நகர் இடைத்தேர்தலின்போது இரட்டை இலை சின்னத்துக்கு
தினகரனும், மதுசூதனனும் உரிமை கோரியதால் சின்னத்தை தேர்தல்
கமி‌ஷன் முடக்கியது.

இரட்டை இலை சின்னத்தை மீண்டும் பெற தேர்தல் அதிகாரிகளுக்கு
இடைத்தரகர் சுகேஷ் சந்திரசேகர் மூலம் தினகரன் லஞ்சம் கொடுக்க
முயன்றதாக டெல்லி போலீஸ் அவர் மீது வழக்குப்பதிவு செய்தனர்.

கைதான இடைத்தரகர் சுகேஷ் சந்திரசேகர் அளித்த வாக்குமூலத்தின்
அடிப்படையில் இந்த வழக்குப்பதிவு செய்யப்பட்டது. இது தொடர்பாக
தினகரன், அவரது நண்பர் மல்லிகார் ஜுனா மற்றும் ஹவாலா
ஏஜெண்டுகள் சிலர் கைதானார்கள்.

வழக்கு விசாரணை டெல்லி திஸ்ஹசாரி நீதிமன்றத்தில் நடைபெற்று
வந்தது. நீதிமன்றம் தினகரனுக்கு ஜாமீன் வழங்கி உத்தரவிட்டது.
இந்த வழக்கில் கோர்ட்டில் முதலாவது குற்றப்பத்திரிகை தாக்கல்
செய்யப்பட்டது.

தினகரனிடம் குரல் பரிசோதனை நடத்த டெல்லி போலீசார் முடிவு
செய்தனர். அதற்கு தினகரன் ஒத்துழைப்பு அளிக்காததால் அவர்
தொலைக்காட்சிகளுக்கு அளித்த பேட்டி வீடியோவை டெல்லி
போலீசார் பெற்று குரல் பரிசோதனை நடத்தினர்.

இந்த வழக்கு டெல்லி திஸ்ஹசாரி கோர்ட்டில் இருந்து பாட்டியாலா
ஹவுஸ் நீதிமன்றத்துக்கு மாற்றப்பட்டது. இன்று வழக்கு விசாரணைக்கு
வந்தது. தினகரனுக்கு ஏற்கனவே கோர்ட்டு சம்மன் அனுப்பி இருந்ததால்
இன்று தினகரன் கோர்ட்டில் ஆஜர் ஆனார்.

அவருடன் நண்பர் மல்லிகார்ஜுனாவும் ஆஜர் ஆனார்.
விசாரணை நடைபெற்று வருகிறது
-
-----------------------------------
மாலை மலர்

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

இரட்டை இலைக்கு லஞ்சம்- டெல்லி நீதிமன்றத்தில் தினகரன் ஆஜர்

இரட்டை இலைக்கு லஞ்சம்- டெல்லி நீதிமன்றத்தில் தினகரன் ஆஜர்