*பயணி பலி; 2 பேர் காயம்
*நாசவேலை காரணமா?

பாட்னா: பீகார் மாநிலத்தில் ஓடும் ரயிலுக்குள் 600 கிலோ 
எடை கொண்ட 10 மீட்டர் நீள தண்டவாளம் வந்து விழுந்ததில் 
பயணி பலியானார். 

2 பேர் காயம் அடைந்தனர்.உத்தரப் பிரதேசம் மாநிலத்தில் 
உள்ள கோரக்பூர் நகரை நோக்கிச் சென்ற மயூரா எக்ஸ்பிரஸ் 
ரயில், நேற்று அதிகாலை 3.30 மணியளவில் பீகார் மாநிலத்தின்
 லக்கிசாராய் மாவட்டத்தில் பன்சிப்பூர் நிலையத்தை கடந்து 
வேகமாக சென்று கொண்டிருந்தது.

அப்போது,  10 மீட்டர் நீளம் கொண்ட சுமார் 600 கிலோ
 எடையுள்ள தண்டவாளத்தின் ஒரு துண்டு, ரயில் பெட்டியின்
 அடிப்பகுதியை கிழித்து கொண்டு பயணிகள் மீது வந்து விழுந்தது.
 இதில் படுகாயம் அடைந்த ஒரு பயணி சம்பவ இடத்திலேயே
 உயிரிழந்தார். 2 பேர் பாட்னா அரசு மருத்துவமனையில்
 சிகிச்சைக்காக அனுமதிக்கப்பட்டுள்ளனர். 

இந்த விபத்து நடந்த இடம் நக்சலைட்டுகள் ஆதிக்கம் மிகுந்த 
பகுதி என்பதால் நாசவேலை காரணமாக இருக்குமா என்பது 
குறித்து விசாரணை நடக்கிறது. இதனால் கியூல்-ஜாஜ்கா 
வழித்தடத்தில் ஒரு மணி நேரத்திற்கும் மேல் ரயில் போக்குவரத்து 
நிறுத்தி வைக்கப்பட்டு இருந்தது. 

உயர் அதிகாரிகள், போலீசார் பாதுகாப்பை உறுதிப்படுத்திய
 பின்னர் ரயில்கள் இயக்கப்பட்டன. தொடர்ந்து மூத்த ரயில்வே 
அதிகாரிகள், போலீசார் இணைந்து விசாரணையை
 மேற்கொண்டு வருகிறார்கள்.

இதுதொடர்பாக கிழக்கு மத்திய ரயில்வே மக்கள் தொடர்பு 
தலைமை அதிகாரி ராஜேஷ்குமார் கூறுகையில்,’ பொதுப்
பெட்டியில் 10 மீட்டர் நீள  தண்டவாளம் பறந்து சென்று விழுந்த 
வீடியோ காட்சியை பார்க்க முடிந்தது. 

இதில் 3 பேர் படுகாயம் அடைந்துள்ளனர். அவர்களில் ஒருவர் 
பலியாகி விட்டார். மற்ற 2 பேர் பாட்னா பிஎம்சிஎச் மருத்து
வமனையில் சேர்க்கப்பட்டுள்ளனர். இது வழக்கமாக நடக்கும்
 விபத்து அல்ல. 

எனவே நாசவேலை தொடர்பை ஒதுக்கி வைத்து விட முடியாது. 
ஏனெனில், 10 மீட்டர் நீளமும் 600 கிலோ எடையும் கொண்ட 
தண்டவாளம் தரை மட்டத்தில் இருந்து இரண்டு மீட்டர் 
உயரத்திற்கு பறப்பது சாதாரணமான விஷயம் அல்ல’ என்றார்

.இந்த சம்பவம் பற்றி அறிந்ததும் ரயில்வே தலைமை பாதுகாப்பு 
கமிஷனர் பி.கே. ஆச்சார்யா உடனடியாக சம்பவ இடத்திற்கு 
சென்று ஆய்வு செய்தார். அவர் தாக்கல் செய்யும் அறிக்கை 
அடிப்படையில் அடுத்த கட்ட நடவடிக்கை இருக்கும் என்று
தெரிகிறது
-
-------------------------------------
தினகரன்