[You must be registered and logged in to see this image.]


அன்னுார்:பசுமை பேராயம் அமைப்பின், மாதாந்திர கூட்டம் 
அன்னுாரில் நடந்தது.

கூட்டத்தில், கர்நாடக இயற்கை விவசாய ஆராய்ச்சி மைய 
ஒருங்கிணைப்பாளர் ரவீந்தரநாத் ஷெனாய் பேசியதாவது:

விவசாயிகள் ஒன்றிணைந்து, ஒரு நிறுவனம் துவக்க வேண்டும். 
அதை பதிவு செய்தால், நபார்டு உள்ளிட்ட பல அமைப்புகள், 
நிதி உதவியும், மானியமும் வழங்குகின்றன. விளை
பொருட்களை மதிப்புக்கூட்டி விற்றால்தான் லாபம் கிடைக்கும். 

மஞ்சளில் இருந்து குர்கமின் என்னும் திரவம் தயாரித்து 
விற்கிறோம். அதற்கு 10 மில்லி கிராமுக்கு, 100 ரூபாய் விலை
 கிடைக்கிறது. 

விவசாயிகள் ஒன்று சேர்ந்து குறிப்பிட்ட விளைபொருளை, 
ரசாயனம் கலக்காமல், உற்பத்தி செய்து, மதிப்புக்கூட்டி, 
இருப்பு வைத்து விற்றால், நல்ல வருமானம் பெறலாம்.

இவ்வாறு, அவர் பேசினார். பசுமை பேராய தலைவர் சுந்தரம் 
பேசியதாவது: ரசாயனங்களை பயன்படுத்தி விளைவிக்கப்
படும் விளைபொருட்களுக்கு, மத்திய, மாநில அரசுகள் அதிக 
மானியம் தருகின்றன. உரம், பூச்சி கொல்லி மருந்துக்கு 
மானியம் வழங்குகின்றனர். 

ஆனால் எந்த ரசாயனமும் இல்லாமல், பஞ்ச கவ்யம், அமிர்த 
கரைசல், வேம்பு ஆகியவற்றை பயன்படுத்தி, இயற்கை 
முறையில் விளைபொருள் விளைவிக்கும் விவசாயிகளுக்கு, 
அரசின் ஊக்குவிப்பு இல்லை. இந்த நிலை மாற வேண்டும். 
இவ்வாறு அவர் பேசினார்.

'கொம்புச்சத்து!'

மேட்டுப்பாளையம் இயற்கை விவசாயி நடராஜன் 
பேசியதாவது:

 இறந்த நாட்டு மாட்டு கொம்பின் உள்பக்கம், சாணத்தை 
நிரப்ப வேண்டும். பின், மூன்று அடிக்கு மூன்று அடி நீள 
அகலத்தில், மூன்று அடி ஆழத்துக்கு குழி தோண்ட வேண்டும். 

அதில் அந்த கொம்பின் நுனி மேலே தெரியும்படி வைத்து, 
குழியில் காட்டு எருவை நிரப்ப வேண்டும். 

மேலே நிழல் விழும்படி, ஓலை அமைக்க வேண்டும். இதை 
ஆறு மாதங்களுக்குப் பின் எடுத்தால், கொம்பில் உள்ள 
சாணம், சக்தி மிகுந்ததாக ஆகியிருக்கும். அதை ஒரு 
ஏக்கருக்கு, 30 கிராம் என 15 லிட்டர் நீரில் கலந்து புகை 
போல் தெளிக்க வேண்டும். 

இதனால் நிலத்தில் நுண்ணுயிர் பெருகும். பயிருக்கு சத்து 
கிடைக்கும். இவ்வாறு அவர் பேசினார்.

பசுமை பேராயம் சார்பில், மன்னீஸ்வரர் கோவிலுக்கு 
பசுவும், கன்றும் தானமாக வழங்கப்பட்டது. நிகழ்ச்சியில்,
 செயலாளர் கோவிந்தராஜ், பொருளாளர் நந்தகுமார் உட்பட
 மூன்று மாவட்ட விவசாயிகள் பங்கேற்றனர்.
-
---------------------------------
தினமலர்