நீங்கள் குடிகாரனா? கண்டுபிடிக்க 51 எளிய வழிகள்.

by **அ.இராமநாதன்** Fri Apr 27, 2018 11:14 am

மது குடிப்பவர்க்கும் குடிகாரனுக்கும் என்ன வேற்றுமை.குடிப்பவர்கள் எல்லாம் குடிகாரன் இல்லை.சரி அப்படியென்றால் எது குடிகாரனையும் குடிப்பவனையும் வேறுபடுத்தி காட்டுவது.
நீங்கள் குடிகாரனா என்று கண்டுபிடிக்க 51 செயல்பாடுகளை பட்டியலில் காணலாம்.
குறைந்தது மூன்று செயல்பாடுகள் உங்களுக்கு உண்டென்றால் மன்னிக்கவும், நீங்கள் குடிகாரன்தான்.
1.தன்னை மறக்கும் வரை குடிப்பது.
2.குடிக்காத நண்பனை குடிக்க வற்புறுத்துவது.
3.மனைவி தாலி வைத்து குடிப்பது.
4.40 ரூபாய் கஷ்டப்பட்டு சேர்த்து, உடனே குடிக்க செல்வது.
5.குடித்துவிட்டு அசிங்கமாய் பேசுவது.
6.குடித்துவிட்டு அசிங்கமாய் சாலையில் விழுந்துகிடப்பது.
7.வேறு வேலையே இல்லை என்று குடிப்பது.
8.குடித்துவிட்டு மனைவியை அடிப்பது.
9.போர் அடிக்கிறது என்று சொல்லி குடிப்பது.
10.யாராவது வாங்கித்தருவார்களா என்று ஒரு கட்டிங்குக்காக டாஸ்மாக் கடையருகே காத் திருப்பது.
11.குடியினால் மருத்துவமனை செல்லும்வரை குடிப்பது.
12.குடியை விடும்படி மருத்துவர் சொன்னபிறகும் குடிப்பது.
13.குடித்துவிட்டு வேலைக்குப் போவது.
14.குடித்துவிட்டு வண்டி ஓட்டுவது.
15.குடித்துவிட்டு வண்டி ஓட்டி விபத்துக்கு காரணமாக இருப்பது.
16.மதுக்கடை எப்போது திருக்கும் என்று காலையிலேயே நினைப்பது.
17.மதுக்கடை திருக்கும்முன் கடைக்கு செல்வது.
18.மதுக்கடை மூடிவிடுமோ என்று அவசர அவசரமாக இரவு 10மணிக்கு முன் கடைக்கு ஓடுவது.
19.என்ன விலை உயர்த்தினாலும் குடிப்பது.
20.குடித்துவிட்டு சமூக விரோத செயல்களில் ஈடுபடுவது.
21.பொது இடங்களில் தனியாகவோ கும்பலாகவோ குடிப்பது.
22.சம்பளம் வந்தவுடன் அவசரமாக குடிக்க செல்வது.
23.நாளைமுதல் குடிக்கமாட்டேன் என்று இன்று குடிப்பது.
24.குடிக்கமாட்டேன் என்று சத்தியம் செய்வது.
25.10 மணிக்குமேல் பிலாக்கில் வாங்கி குடிப்பது.
26.காந்திஜெயந்திக்கு முன்னாளே வாங்கி வைத்துக்கொள்வது.
27.எதாவது ஒரு காரணம் சொல்லி குடிப்பது.
28.எந்த காரணமும் இல்லாமல் குடிப்பது.
29.இன்றைய தலைவனுக்காக குடிப்பது.
30.என்றோ இறந்த தலைவனை நினைத்து குடித்துவிட்டு அழுவது.
31.மதுவினால் தீமையை தவிர ஒன்றும் இல்லை என்று தெரிந்தும் படித்தவன் குடிப்பது.
32.குடிக்கவில்லை என்றால் கை நடுங்குவது.
33.குடித்தவுடன் சரளமாக இங்லீஷ் வருவது.
34.தைரியம் வர குடிப்பது.
35.குடித்துவிட்டு போலீசை வாட்ச்மேன் எனச்சொல்வது.
36.சாதாரண தண்ணீரை குடித்துவிட்டு போதையாவது.
37.குடித்தால் தத்துவம்/கவிதை தானே வருவது.
38.குடித்துவிட்டு டச் போனில் பட்டன் தேடுவது.
39.கையில் 40 ரூபாய் வைத்துக்கொண்டு ஒரு கட்டிங்குக்காக டாஸ்மாக் கடையருகே காத்திருப்பது, இன்னொருவர் கட்டிங் ஆசாமி வரும்வரை.
40.நன்றாக குடித்துவிட்டு, கேட்டால் குடிக்கவில்லை என்பது.
41.யாரிடமாவது சண்டைக்கு செல்ல குடிப்பது.
42.குழந்தை இருக்கும் வீட்டில் குடிப்பது.
43.குடித்துவிட்டு தொப்பைக்கு காரணம் என்பது.
44.தண்ணீருக்குபதில் பீர் குடிப்பது. (குறிப்பாக வெளிநாட்டில்)
45.எப்போதும் குடிக்கவேண்டும் என்றே நினைப்பது.
46.குடித்துவிட்டு சாப்பிடாமல் இருப்பது.
47.குடிப்பதற்காக குடும்பத்தின் மீது அக்கறையில்லாமல் இருப்பது.
48.பெற்றோருக்கோ மனைவிக்கோ தெரியாமல் குடிப்பது.
49.குடியை நிறுத்த வேண்டும் என்ற நினைப்பே இல்லாதது.
50.குடி என்பது ஒரு நோய்.அதை குணபடுத்த முடியும் என்ற அறியாமையில் இருப்பது.
51.வயதில் தன்னைவிட குறைந்தவர்களுடன் குடிப்பது.
உங்களின் வளர்ச்சி, உங்கள் குடும்பத்தின் நலம், உங்கள் சமுதாயத்தின் முனேற்றம் அனைத்தும் உங்களுக்காக காத்துக்கொண்டு இருக்கிறது.விரைவில் குடிநோயில் இருந்து வெளியே வாருங்கள்.
உங்களின் பங்குடன்தான் நல்லதை நோக்கி நாம் முன்னேற முடியும்.குடியில் நீங்கள் மூழ்கினால், உங்கள் குடும்பம் நீந்தி கரையேறமுடியாது.
மதுவை மறப்பீர்.
https://uyarvullal.wordpress.com/2015/04/20/

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

நீங்கள் குடிகாரனா? கண்டுபிடிக்க 51 எளிய வழிகள்.

நீங்கள் குடிகாரனா? கண்டுபிடிக்க 51 எளிய வழிகள்.