சமீபத்தில், மகிந்த்ரா நிறுவன அதிபர் ஆனந்த் மகிந்த்ரா 
அவருக்கு வாட்ஸ்அப்பில் வந்த புகைப்படம் ஒன்றை ட்வீட் 
செய்திருந்தார். 

புகைப்படத்தில் செருப்பு தைக்கும் தொழிலாளி ஒருவர் 
அமர்ந்திருக்கிறார். அவருக்குப் பின்னால் வைக்கப்பட்டிருந்த 
பேனரில், இங்கே காயமடைந்த ஷூக்கள்  குணப்படுத்தி 
தரப்படும். 

பார்வை நேரம் காலை 9 மணி முதல் 1 மணி வரை. லஞ்ச் டைம் 
1 முதல் 2 மணி வரை. மீண்டும் 2 முதல் மாலை 6 மணி வரை 
ஷூக்கள்  குணப்படுத்தி தரப்படும். டாக்டர்.நரசிம்மன். 
ஜெர்மன் தொழில்நுட்பம் இங்கே கையாளப்படுகிறது. 
நோயாளிகள்(ஷூக்கள்) பொறுமை காக்கவும்'' என்று 
கூறப்பட்டிருந்தது. 

செருப்பு தைக்கும் தொழிலாளியின் மார்க்கெட்டிங் உத்தி 
ஆனந்த் மகிந்த்ராவை மிகவும் கவர, 'இந்த மனிதர் ஐ.ஐ.எம்.
 நிறுவனத்தில் இருக்க வேண்டியவர்' என்று ட்வீட் செய்திருந்தார்.

 இவருக்கு சிறிய முதலீடு அளிக்க விரும்புகிறேன். இந்த 
புகைப்படம் யார் எடுத்ததோ எங்கு எடுக்கப்பட்டதோ 
தெரியவில்லை. இவரைப் பற்றி யாராவது அறிந்திருந்தால்
 எனக்குத் தகவல் கொடுங்கள்' என தன் ட்வீட்டில் ஆனந்த் 
குறிப்பிட்டிருந்தார். 

அதோடு, தன் சகாக்களை அனுப்பி அந்த செருப்பு தைக்கும்
தொழிலாளியை கண்டுபிடிக்கவும் உத்தரவிட்டிருந்தார். 
தலைவர் சொன்னால் மறு பேச்சு ஏது? ஆனந்த் மகிந்த்ராவின் 
ஊழியர்கள் அந்த செருப்பு தைக்கும் தொழிலாளியை தேடும்
 படலத்தில் ஈடுபட்டு, அவரை ஹரியானாவில் கண்டுபிடித்தனர். 

செருப்பு தைக்கும் தொழிலாளிக்கு பணம் கொடுத்த போது 
வாங்க மறுத்து விட்டார். மாறாக தன் செருப்பு தைக்கும் 
கடையை சற்று மேம்படுத்தி தந்தால் மட்டும் போதுமானது 
என்று கூறி விட்டார். 

ஏழ்மை நிலையில் இருந்த போதும் கூட பணத்தை 
எதிர்பார்க்காத அவரின் தன்மை ஆனந்த் மகிந்த்ராவை 
வெகுவாகவே கவர்ந்தது. இந்நிலையில், நரசிம்மன் பற்றி இன்று
 ட்வீட் செய்த ஆனந்த் மகிந்த்ரா, மும்பை டிசைன் ஸ்டூடியோ 
நிறுவனம் வழியாக நரசிம்மனுக்கு புதிய செருப்பு கடை வைத்து
 கொடுக்க முடிவு செய்துள்ளதாக தெரிவித்துள்ளார். 
-
--------------------------------------
எம்.குமரேசன்
விகடன்